سەيسەنبى, 27 قازان 2020
COVID-19 قازاقستاندا. جۇقتىرعاندار — 110684. جازىلعاندار — 105766. قايتىس بولعاندار — 1796
443 1 پىكىر 15 قىركۇيەك, 2020 ساعات 14:20

بۇۇ-نىڭ ادام قۇقىقتارى جونىندەگى كەڭەسىندە بەلارۋستاعى جاعداي تالقىلانادى

بىرىككەن ۇلتتار ۇيىمىنىڭ (بۇۇ) ادام قۇقىقتارى بويىنشا كەڭەسى 18 قىركۇيەكتە بەلارۋستاعى ادام قۇقىقتارىنىڭ ساقتالۋىنا بايلانىستى ماسەلەنى تالقىلايدى.

كەزەكتەن تىس تالقىلاۋدى ەۋروپا وداعى ۇسىنعان. بۇل ۇسىنىستى كەڭەسكە مۇشە 47 ەلدىڭ 25-ءى قولداپ، ەكەۋى قارسى بولعان.

بۇۇ-نىڭ ادام قۇقىقتارى بويىنشا جوعارعى كوميسسارى ميشەل باچەلەت بەلارۋستاعى رەپرەسسيالار، اشىق كۇش قولدانۋ، ازاپتاۋ جانە اكتسياعا قاتىسۋشىلاردىڭ قۋدالانۋى تۋرالى بارلىق مالىمەتتەردى زەرتتەپ، كىنالىلەردى جاۋاپقا تارتۋ كەرەكتىگىن ءبىلدىردى. ول سونىمەن بىرگە بەلارۋستا ديالوگ پەن رەفورمالار قاجەت ەكەنىن ايتتى.

بەلارۋستا جاڭا سايلاۋ ءوتىپ، قازىرگى پرەزيدەنت الەكساندر لۋكاشەنكونىڭ قىزمەتىنەن كەتۋىن تالاپ ەتكەن قارسىلىق اكتسيالار ءبىر ايدان استام ۋاقىتتان بەرى جالعاسىپ جاتىر. قۇقىق قورعاۋ ورگاندارىنىڭ بەيبىت جيىنعا قاتىسقاندارعا كۇش كورسەتىپ، ازاپتاعانى سىنعا الىنعان.

دۇيسەنبىدە سوچيدە رەسەي جانە بەلارۋس پرەزيدەنتتەرى ۆلاديمير پۋتين مەن الەكساندر لۋكاشەنكو كەزدەستى. كەزدەسۋ بارىسىندا پۋتين مينسكىگە 1,5 ميلليارد دوللار نەسيە بولۋگە كەلىسكەن.

جەكسەنبى كۇنى مينسك قالاسىندا "باتىرلار مارشى" دەپ اتالعان اكتسيا ءوتىپ، وعان 150 مىڭعا دەيىن ادام قاتىستى. رەسمي مالىمەت بويىنشا، 500-دەن استام ادام ۇستالعان.

بەلارۋستا بولىپ جاتقان وقيعالارعا توقتالعان پۋتين رەسەي بەلارۋستى وداقتاس ەل دەپ ەسەپتەيتىنىن ايتىپ، ەل ازاماتتارى بۇل جاعدايدى سىرتتىڭ باسىم-قىسىمىنسىز، تىنىش، ديالوگ ارقىلى وزدەرى جونگە سالىپ، شەشۋىنە تىلەكتەس ەكەنىن جەتكىزدى.

Abai.kz

1 پىكىر