الماتى قالاسىنىڭ باس سانيتار دارىگەرى جانداربەك بەكشين قالاداعى ەپيدەميولوگيالىق احۋال جايلى سوڭعى اقپاراتتارمەن ءبولىسىپ، كوروناۆيرۋسقا قاتىستى كارانتيندىك شەكتەۋلەردىڭ جەڭىلدەتىلگەنىن ايتتى.

15 قىركۇيەكتەن باستاپ كارانتيندىك شەكتەۋلەردى جەڭىلدەتۋ تۋرالى قاۋلى شىعارعان. قاۋلىعا سايكەس، 15 قىركۇيەكتەن باستاپ مادەنيەت نىساندارى (ادامدار سانى 30-دان اسپايتىن جەكە جانە توپتىق جاتتىعۋلار), كىتاپحانالار مەن مۋزەيلەر (عيماراتتىڭ تولۋى 50 پايىزدان اسپاۋى ءتيىس) جۇمىس ىستەي باستايدى.

بۇل رەتتە، ماسكا تاعۋ رەجيمى جانە الەۋمەتتىك قاشىقتىق ساقتالىپ، سانيتارلىق-دەزينفەكتسيالىق شارالار قاتاڭ جۇرگىزىلۋى، جەلدەتۋ جۇيەلەرى ىركىلىسسىز جۇمىس ىستەۋى قاجەت.

اتا-انالاردىڭ ءوتىنىشى بويىنشا ءبىلىم بەرۋ ۇيىمدارىندا 3-4 سىنىپتاردىڭ كەزەكشىلىك توپتارى جۇمىس ىستەيتىن بولدى. بۇل رەتتە، سىنىپتاعى بالالار سانىن 15-تەن اسىرماۋ جانە سانيتارلىق نورمالاردى قاتاڭ ساقتاۋ تالابى قويىلىلعان.

«قاۋلىنى ۇيىمداستىرۋشىلىق-قۇقىقتىق فورماسىنا جانە قانداي ۆەدومستۆو قۇرامىنا كىرەتىنىنە قاراماستان بارلىق زاڭدى تۇلعالار ورىنداۋعا مىندەتتى. قاۋلى قول قويىلعان كۇننەن باستاپ كۇشىنە ەنەدى»,- دەلىنگەن الماتى قالالىق باس سانيتار دارىگەرى جانداربەك بەكشين قول قويعان قۇجاتتا.

Abai.kz