مەملەكەت باسشىسى قاسىم-جومارت كەمەلۇلىنىڭ كەزەكتى جولداۋىندا ەل دامۋىنىڭ نەگىزگى باعىتتارى ايقىن كورسەتىلگەن. ونىڭ ىشىندە وتاندىق ءبىلىم جانە عىلىم ماسەلەلەرىنە ەرەكشە نازار اۋدارىلعانى دا بەلگىلى.

پرەزيدەنتتىڭ تاپسىرماسىمەن ۇزدىكسىز ءبىلىم بەرۋ تۇجىرىمداماسىن ازىرلەپ، قاشىقتان وقىتۋ پلاتفورماسى بويىنشا جانە 6 جاسقا دەيىنگى بۇلدىرشىندەردى بالاباقشامەن 100% قامتاماسىز ەتۋ بويىنشا جۇمىس جۇرگىزەمىز.

بۇل رەتتە، الداعى ۋاقىتتا مەملەكەتتىك تاپسىرىستى بالاباقشالارعا قازىرگى قولدانىستاعى جۇيەدەگىدەي ءبىلىم بولىمدەرى نەمەسە باسقارمالارى بولمەيدى.

مەكتەپكە دەيىنگى ءبىلىم بەرۋ ۇيىمىنا جولداما العان بالالاردىڭ اتا-انالارى كەز كەلگەن بالاباقشانى تاڭدايتىن بولادى. ارينە، مۇنداي باسەكەلەستىكتىڭ ارقاسىندا كورسەتىلەتىن قىزمەتتەردىڭ ساپاسى دا ارتۋى ءتيىس.

وسى جىلدىڭ قىركۇيەك ايىنان باستاپ پرەزيدەنتتىڭ تاپسىرماسىمەن پەداگوگتەردىڭ سىنىپ جەتەكشىلىگى جانە داپتەرلەردى تەكسەرگەنى ءۇشىن قوسىمشا اقىسى ەكى ەسە وسەدى، سونداي-اق ماگيسترلىك دارەجەسى ءۇشىن مۇعالىمدەر 27 مىڭ تەڭگە مولشەرىندە اي سايىنعى قوسىمشا اقى الادى.

سونىمەن قاتار 2021 جىلدىڭ 1 قاڭتارىنان باستاپ مەكتەپ، كوللەدج، قوسىمشا ءبىلىم بەرۋ جانە بالاباقشا پەداگوگتەرىنىڭ لاۋازىمدىق جالاقىسى تاعى دا 25%-عا ارتادى.

بالالاردىڭ قۇقىقتارىن قورعاۋ ماسەلەلەرى دە – ەرەكشە نازاردا. بۇل تۇرعىدا ەلىمىزدىڭ بالا قۇقىقتارى تۋرالى كونۆەنتسيانىڭ فاكۋلتاتيۆتىك حاتتاماسىنا قوسىلۋى وتە ماڭىزدى قادام بولماق.

بالالاردى كيبەربۋللينگتەن قورعاۋ، بالالارعا ارنالعان سپورت سەكتسيالارى مەن ۇيىرمەلەرىن جاپپاي اشۋ، قوسىمشا ءبىلىم بەرۋ ۇيىمدارىن دامىتۋ ماسەلەلەرى بارلىق اكىمدىكتىڭ قىزمەتىندە ۇلكەن ءرول اتقارادى.

بۇعان قوسا، پرەزيدەنت عىلىم سالاسىن دامىتۋ ماسەلەلەرىنە ەرەكشە توقتالدى. جەر قويناۋىن پايدالانۋشىلار جۇمساعان شىعىندارىنىڭ 1% عىلىم مەن تەحنولوگيالاردى دامىتۋعا باعىتتاۋى تۋرالى نورمانىنىڭ ىسكە اسۋىنا قاتىستى ماسەلەنى عالىمدار ۇزاق ۋاقىت بويى ايتىپ كەلەدى. ەندى وسى ماسەلە دا شەشىمىن تاباتىن بولدى.

بۇل ماسەلە بويىنشا سالا وكىلدەرىنىڭ ۇسىنىستارى پرەزيدەنتتىڭ تاپسىرماسىندا كورسەتىلگەن. ەندى بۇل قاراجات جالپىۇلتتىق عىلىمي باسىمدىقتاردى نەگىزگە الا وتىرىپ، بيۋدجەت ارقىلى اشىق تۇردە بولىنەدى. بۇل عىلىمي زەرتتەۋلەر جۇرگىزۋگە قوسىمشا باعىتتالاتىن قوماقتى قاراجاتقا قاتىستى ەكەندىگىن اتاپ وتكەن ءجون.

عىلىمي كادرلاردى دايىنداۋ ماسەلەسىنە كەلەتىن بولساق، جاس عالىمداردىڭ عىلىم سالاسىنا كەلۋىن قامتاماسىز ەتۋ ءۇشىن «جاس عالىم» جوباسى بويىنشا 1000 زەرتتەۋ گرانتىن بولىنبەك.

جىل سايىن 500 عالىمنىڭ جەتەكشى عىلىمي ورتالىقتاردا عىلىمي تاعىلىمدامادان ءوتۋ باستاماسى ءبىزدىڭ عالىمدارعا شەتەلدىك عالىمدارمەن ىنتىماقتاستىق ارقىلى بىرلەسكەن زەرتتەۋلەر جۇرگىزۋگە جانە ءوز كەزەگىندە ولاردىڭ تيىمدىلىگىن ارتتىرۋعا مۇمكىندىك بەرەدى.

جولداۋدا عالىمداردىڭ وسى ۋاقىتقا دەيىن ۇسىنىپ كەلگەن تاعى ءبىر ماسەلەسى ايتىلدى. ءبىز ەلىمىزدىڭ عىلىمي-تەحنولوگيالىق دامۋى بويىنشا جەكە باعدارلامالىق قۇجات ازىرلەنەدى. ونىڭ نەگىزگى ەرەجەلەرىن قالىپتاستىرۋ كەزىندە سالا وكىلدەرىمەن كەڭەيتىلگەن كەڭەستەر وتكىزەمىز جانە وندا حالىقارالىق تاجىريبە ەسكەرىلەدى.

بۇدان بولەك، قاسىم-جومارت كەمەلۇلى ءتيىستى تالاپتارعا ساي جۇمىس ىستەي المايتىن جوعارى وقۋ ورىندارىنا قاتىستى ماسەلەنى تولىعىمەن شەشۋدى تاپسىردى.

جالپى، پرەزيدەنت تاراپىنان ادامي كاپيتالدى دامىتۋعا ەرەكشە نازار اۋدارىلىپ كەلەدى. بۇعان دەيىن مامىر ايىندا وتكەن ۇلتتىق قوعامدىق سەنىم كەڭەس وتىرىسىنىڭ ءبىلىم جانە عىلىم ماسەلەلەرىنە ارنالعانى دا بەلگىلى.

جولداۋدا مەملەكەت باسشىسى ناقتى تاپسىرمالار بەرىپ، نەگىزگى ماقساتتار مەن مىندەتتەردى ايقىندادى. ءبىلىم جانە عىلىم جۇيەسى وسى تاپسىرمالاردىڭ بارلىعىن جوعارى دەڭگەيدە ىسكە اسىرۋى ءتيىس.

اسحات ايماعامبەتوۆتىڭ جازباسى

Abai.kz