جۇما, 29 ناۋرىز 2024
46 - ءسوز 4214 9 پىكىر 28 تامىز, 2020 ساعات 14:21

ميىڭداعى قازاقستان قانداي؟

وسى ۋاقىتقا دەيىن 4 پوليتسيا قىزمەتكەرىن جۇمىستان شىعارتىپپىن. ونىڭ ۇشەۋى تاجىكستاندا ساپاردا بولعاندا، بىرەۋى الماتىدا كارانتين كەزىندە پارا الماق بولعانى ءۇشىن قىزمەتىنەن كەتتى. كەي تانىستارىم: «باكە، ابايلاڭىز، قورىققاننان بۇندايعا بارماۋشى ەدىك»، «وبال ەمەس پە ولارعا» دەگەندى ايتادى. مەن ول ارەكەتىمدى قالىپتى دەپ ەسەپتەيمىن. سەبەبى مەن دامىعان، گۇلدەنگەن قازاقستاندا تۇرامىن، مەنىڭ ميىمدا سۋپەر دامىعان ەلدىڭ وبرازى عانا بار. ونداي ەلدە جەمقورلىققا، ساۋاتسىزدىققا، دەمالعان سوڭ ارتىڭنان قوقىس قالدىرۋعا ورىن جوق.

الاكولدە دەمالىپ، كەتەتىن كۇنى تاڭەرتەڭ وتباسىمىزبەن ءوزىمىز جۇرگەن ۋچاسكەنىڭ قوقىسىن تەرىپ كەتتىك. جاعاجاي̆دا جاتقاندار قولدارىنا پاكەت ۇستاپ، مۋسور تەرىپ جۇرگەن بىزگە تاڭعالا قاراي̆دى. ال ءبىز ءۇشىن قالىپتى تاجىريبە، جۇرگەن جەرىمىزدى وتباسى بولىپ تازالاپ كەتەمىز، كەرىسىنشە جەگەن تاماعىنىڭ قاعازىن تاستاپ كەتىپ بارا جاتقان، بالالارىنا ناشار تاربيە كورسەتىپ جاتقاندارعا تۇسىنبەي̆ قاراي̆مىن. مەنىڭ سانامداعى دامىعان ەلدە وعان ورىن جوق.

ەگەر وزگەلەرگە قوسىلىپ، جەمقورلىقتان، ناداندىقتان ءتۇڭىلىپ، ەڭ ناشار ەلدە تۇرامىز دەي̆ بەرسەم، مەن دە ناشار ەلدىڭ ناشار ازاماتىنا اي̆نالامىن. اي̆نالاعا بەي̆جاي̆ قاراي̆مىن، كوڭىلىم قالادى، جەك كورەمىن، بولاشاقتان ءۇمىت جوق، اپاتياعا ۇشىراي̆مىن. بۇعان كونۋگە بولماي̆دى.

بىراق مەنىڭ سانامدا وزگەلەرمەن بىردەي، گۇلدەنگەن قازاقستان بار جانە ءوزىمدى سول ەلدىڭ ازاماتىنا لايىقتى ۇستايمىن. ماعان وسىلاي ءومىر ءسۇرۋ وڭاي. دامىعان قازاقستاندى ەلەستەتە وتىرىپ، سوعان ساي ءومىر سۇرەمىن. سانامدا قالاي قالىپتاستىرسام، ارەكەتىم دە سولاي بولادى. اۆتوماتتى تۇردە وزگەرەمىن. پارا بەرمەۋ، تۇندە شۋ شىعارماۋ ءتارىزدى ادەتتەر قالىپتاسىپ كەتەدى. ەۋروپا، اقش-تى قوسقاندا 27 ەلدە بولىپپىن. دامىعان ەلدەردى كوردىم، قازاقستان ولاردىڭ اراسىندا جوق. ءبىز دامىعان ەل ەمەسپىز شىندىعى. كارانتيندە كوپ نارسەنىڭ ارتى اشىلىپ قالدى. ونىڭ ءبارىن قابىلداي بەرسەڭ، جۇرەگىڭە دە، جۇيكەڭە دە سوققى. مەن ءوزىمدى ساقتاعىم كەلەدى، جارقىن ەلدە ءومىر سۇرگىم كەلەدى. بۇل شىندىقتان قاشۋ، يلليۋزيا قالىپتاستىرۋ دەگەن ءسوز ەمەس. بۇل جاقسى ءومىر ءسۇرۋدىڭ، جاقسى قوعام قۇرۋدىڭ ءبىر ءادىسى.

كوپشىلىگى قالاي قوعامعا قالاي پايدامدى تيگىزەمىن دەپ سۇراپ جاتادى. قاراپايىم نارسەدەن باستاۋعا بولادى. «سامىي ەففەكتيۆنىي مەتود – سامىي پروستوي» دەيدى. وزىڭنەن، ساناڭنان باستا. ميىڭدا دامىعان ەلدى ەلەستەتىپ، سول ەلدىڭ ازاماتىنا ساي بول. ونىڭ پوزيتيۆ ەنەرگياسى ساناعا، سەنىڭ كوزقاراسىڭ مەن ارەكەتتەرىڭ دە اسەر ەتەدى. سوندا سەن وزگەرىس جاسايتىن، وزگەرىستەرگە جەتەلەيتىن كۇشكە اينالاسىڭ.

ميىڭداعى قازاقستان قانداي؟

باقىتجان بۇقاربايدىڭ جازباسى

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2257
عيبىرات

قايسار رۋحتى عازيز جان

مۇحتار قۇل-مۇحاممەد 3535