جۇما, 29 ناۋرىز 2024
الەۋمەت 8548 5 پىكىر 27 تامىز, 2020 ساعات 11:53

قازاق تولقۇجاتىنان كىمدەر باس تارتتى؟

بىلتىر قاڭتار-ماۋسىم ايلارىندا ەلىمىزدەن 20 071 ادام كوشسە، بيىل تاپ وسى مەرەزىمدە، ياعني، COVID-19 كەزىندە ولاردىڭ مولشەرى 45,3%-عا كەمىپ، قازاق ەلىنەن 10 977 ادام وزگە ەلدەن ءوز باقىتىن ىزدەپ قونىس اۋداردى.

بۇلاردىڭ ىشىندە تمد ەلدەرىنە اتباسىن بۇرعاندارى – 9,8 مىڭعا تارتا. تارقاتا ايتساق:  رەسەيگە –9,5 مىڭ، وزبەكستانعا – 131, بەلارۋسقا – 101, قىرعىزستانعا – 33, ۋكراينعا – 22 جانە ازەربايجانعا – 16 ادام اۋا كوشتى.

الەمنىڭ قالعان الىس-جاقىن ەلدەرىنە قازاق جەرىنەن كوشكەندەر سانى: 1169 ادام. ولاردىڭ 780-ءى – المانيادا، 131-ءى – اقش-تا، 59-ى – كانادادا، 20-سى – يزرايلدە، 17-ءسى – تۇركيادا، 7-ءسى – گرەكيادا تۇرعاندى حوش ساناپتى. 

قازاق ەلىنەن ءبىرجولا كەتكەندەردىڭ 15 جاستان اسقاندارى – 7921 ادامدى،  قۇراسا، ال، 15 جاسقا دەيىنگىلەرى – 2,6 مىڭ بالا مەن جاسوسپىرىمدەردەن تۇرادى. وسىلاردىڭ ىشىندە جوعارى جالاقى ءۇشىن تۇرە كوشكەن تەحنيكالىق ءبىلىمدى مامانداردىڭ قاراسى 1,8 مىڭنىڭ توڭىرەگىندە. 

قازاق تولقۇجاتىن وزگە ەلدىڭ ازاماتتىعىنا الماستىرعانداردىڭ ىشىندە 503 – قازاق، 7705 – ورىس، 890 – نەمىس، 759 – ۋكراين، 271 – تاتار، 141 – پولياك، 138 – بەلورۋس، 81 – وزبەك، 73 – كارىس، 47 – شەشەن، 44 – ازەربايجان جانە باسقادا وزگە ۇلت وكىلدەرى بار.   

الاش بالاسىنىڭ شەتەلگە اۋى پروتسەسىندە تەك ارالاس نەكەدەگى جانە جالعىز باستى ورىس ءتىلدى قازاقتاردىڭ قاراسى باسىم.

ءابىل-سەرىك الياكبار

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544