سەنبى, 28 قاراشا 2020
COVID-19 قازاقستاندا. جۇقتىرعاندار — 130039. جازىلعاندار — 116044. قايتىس بولعاندار — 1990
بيلىك 1753 0 پىكىر 17 تامىز, 2020 ساعات 10:30

بۇگىننەن باستاپ كارانتين شەكتەۋلەرى جەڭىلدەتىلدى

قازاقستان ۇكىمەتى كوروناۆيرۋس ىندەتىنىڭ جاپپاي تارالۋىنا بايلانىستى شىلدەنىڭ باسىندا جاريالانعان كارانتين شارالارىن 17 تامىزدان باستاپ جەڭىلدەتە باستايدى. 

قر پرەمەر-ءمينيسترى اسقار ءماميننىڭ توراعالىعىمەن وتكەن مەملەكەتتىك كوميسسيا وتىرىسىندا قالىپتاسقان ەپيدەميولوگيالىق جاعدايدى ەسكەرە وتىرىپ، كارانتين شارالارىن كەزەڭ-كەزەڭىمەن الىپ تاستاۋ تۋرالى بىرقاتار شەشىم قابىلدانعان.

سونىمەن، 17 تامىزدان باستاپ قانداي مەكەمەلەردىڭ قىزمەتىنە رۇقسات بەرىلەدى؟

1. 2020 جىلعى 17 تامىزدان باستاپ بارلىق وڭىرلەردە جۇمىسىن قايتا باستايتىن كاسىپكەرلىك سۋبەكتىلەرىنىڭ قىزمەت تۇرلەرىنىڭ تىزبەسى بەكىتىلدى:

- سوسو، ساۋدا ۇيلەرى (بۋتيكتەر), ساۋدا جەلىلەرى، جابىق بازارلار (تولىمدىلىعى 30%-دان اسپاۋى ءتيىس، 1 كەلۋشىگە 4 ش. م);

- سۇلۋلىق سالوندارى، شاشتاراز، سپا ورتالىقتارى، كوسمەتولوگيالىق قىزمەت كورسەتەتىن نىساندار (الدىن الا جازىلۋ بويىنشا 1 كەلۋشىگە 4 ش.م.);

- باسسەينى جوق فيتنەس ورتالىقتارى (تولىمدىلىعى 50%-دان اسپاۋى ءتيىس، 1 كەلۋشىگە 5 ش.م.), باسسەينى جوق مونشالار مەن ساۋنالار (تولىمدىلىعى 50%-دان اسپاۋى ءتيىس، 1 كەلۋشىگە 4 ش.م.);

- بالالارعا ارنالعان تۇزەتۋ كابينەتتەرى، بالالار جانە ەرەسەكتەرگە ءبىلىم بەرۋ ورتالىقتارى (توپتاردا — 5 ادامنان ارتىق ەمەس، جازىلۋ بويىنشا);

- مەكتەپكە دەيىنگى بالالار مەكەمەلەرىنىڭ كەزەكشى توپتارى (15 ادامنان ارتىق ەمەس);

- اشىق اۋاداعى اتتراكتسيوندار (قاشىقتىقتى ساقتاۋ، ماسكا تاعى، ادامدار اعىنىن رەتتەۋ).

جۇمىس بەرۋشىلەرگە قىزمەتكەرلەردىڭ كەمىندە 80% ءۇشىن قاشىقتان جۇمىس ىستەۋ فورماتىن ساقتاۋ ۇسىنىلادى.

2. 2020 جىلعى 17 تامىزدان باستاپ اشىق اۋادا جەكە جانە توپتىق جاتتىعۋلار جاساۋعا (5 ادامنان ارتىق ەمەس) جانە ۇلتتىق قۇراما، كلۋب كوماندالارى ءۇشىن سپورتتىق جاتتىعۋلار جاساۋعا (30 ادامنان ارتىق ەمەس، سپورت بازالارىندا تۇرۋ، ەپيدەمياعا قارسى شارالاردى جانە الدىن الۋ شارالارىن ساقتاۋ) رۇقسات ەتىلەدى.

3. بيىلعى 17 تامىزدان باستاپ قوعامدىق كولىكتەر سوڭعى ايالدامادا دەزينفەكتسيالاۋ مەن جەلدەتۋدى قامتاماسىز ەتۋمەن،  وتىرعىزۋ ورىندارىنىڭ تولۋىنا قاراي جۇرە باستايدى.

4. سالىنعان تىيىم ساقتالادى:

- ويىن-ساۋىق، سپورتتىق، وتباسىلىق، ەستەلىك، سالتاناتتى جانە باسقا دا بۇقارالىق ءىس-شارالاردى وتكىزۋگە، سونىمەن قاتار ۇيدە وتكىزۋگە;

- بارلاردىڭ، تۇنگى جانە ويىن كلۋبتارىنىڭ، كاراوكە، فۋدكورتتاردىڭ، كينوتەاترلاردىڭ جانە بالالار مەن ەرەسەكتەرگە ارنالعان باسقا دا ويىن-ساۋىق ورىندارىنىڭ جۇمىسىنا;

- مادەنيەت نىساندارىنىڭ، مۋزەيلەردىڭ قىزمەتىنە، كونفەرەنتسيالار، كورمەلەر، فورۋمدار وتكىزۋگە;

- باسسەيندەر، قالالىق جانە قوعامدىق جاعاجايلار، اشىق اكۆاپاركتەردىڭ جۇمىسىنا;

- ءدىني نىسانداردىڭ جۇمىسىنا;

- قالا ماڭىنداعى جولاۋشىلار پويىزدارىنىڭ/ەلەكتريچكالاردىڭ قوزعالىسىنا، جۇمىس پويىزدارىن، قالاارالىق اۆتوبۋستاردى/ميكرواۆتوبۋستاردى قوسپاعاندا، ورتاق ۆاگونداردى قۇرۋعا.

5. ەپيدەميولوگيالىق جاعدايدى ودان ءارى تۇراقتاندىرۋ ماقساتىندا دەمالىس كۇندەرى شەكتەۋ شارالارى ساقتالادى.

Abai.kz

0 پىكىر