جۇما, 29 ناۋرىز 2024
2889 4 پىكىر 13 تامىز, 2020 ساعات 14:31

«جولاۋشىلار تاسىمالىن» تاعى دا شەتەلدىك ادام باسقارادى

«قازاقستان تەمىر جولى» ۇك» اق ديرەكتورلار كەڭەسىنىڭ شەشىمى جانە «سامۇرىق-قازىنا» ۇلتتىق ءال-اۋقات قورى باسقارماسىنىڭ كەلىسىمى بويىنشا «جولاۋشىلار تاسىمالى» اق جاڭا باس ديرەكتورى بولىپ DB Engineering&Consulting ازيا-تىنىق مۇحيتى ايماعىنىڭ ديرەكتسياسىن باسقارعان نەمىس مامانى پيتەر شتۋرم (Peter Sturm) تاعايىندالدى.

«جولاۋشىلار تاسىمالى» كومپانياسى ءباپاسوز قىزمەتىنىڭ حابارلاۋىنشا، تەمىرجول كولىگى جانە حالىقارالىق تاسىمالداۋ سالاسىندا ەڭبەك ءوتىلى بار پ. شتۋرم، 25 جىل بويى حالىقارالىق كومپانيالاردا ءتۇرلى باسقارۋ قىزمەتتەرىن اتقارعان.

«پيتەر شتۋرم 25 جىل بويى حالىقارالىق كومپانيالاردا ءتۇرلى باسقارۋ قىزمەتتەرىن اتقارعان. بۇعان دەيىن ول يننوۆاتسيالار مەن وزگەرىستەردى ەنگىزۋدەگى جاۋاپتى بولىمشەلەردى باسقاردى، جىلجىمالى قۇرامدى ساتىپ الۋ جانە قىزمەت كورسەتۋ، اقپاراتتىق تەحنولوگيالاردى ەنگىزۋ، تەمىرجولداردى پايدالانۋ جانە ت. ب. سالالاردا قىزمەت اتقاردى»، - دەپ حابارلايدى «جولاۋشىلار تاسىمالى» اق ءباسپاسوز قىزمەتى.

ونلاين رەجيمىندە العاشقى اپپاراتتىق كەڭەسىن وتكىزگەن جاڭا باسشى «جولاۋشىلار تاسىمالى» اق قۇرىلىمدىق بولىمشەلەرى مەن ۆەدومستۆوعا قاراستى ۇيىم باسشىلارىنىڭ جولاۋشىلارعا سەرۆيستىك قىزمەت كورسەتۋ ساپاسىنا، ياعني جولاۋشىلار ۆاگوندارىن جۋ مەن جيناۋ جانە توسەك-ورىننىڭ ساپاسىنا باسا نازار اۋداردى. جولاۋشىلار پويىزدارىنداعى توسەك-ورىن جابدىقتارىمەن جانە جۇمساق المالى-سالمالى مۇكاممالمەن جابدىقتاۋ ساپاسى، سونداي-اق كلينينگ جانە سانيتارلىق-گيگيەنالىق قۇرالدارمەن جاراقتاندىرۋ بويىنشا ەنگىزىلەتىن جاڭا ستاندارت ماسەلەلەرى كومپانيا باسشىلىعىنىڭ تۇراقتى باقىلاۋىندا بولماق.

ەستەرىڭىزگە سالا كەتەيىك، بۇعان دەيىن باسشى بولعان ميحاەل كورتيۋم دەنساۋلىعى مەن جەكە جاعدايلارىنا بايلانىستى «جولاۋشىلار تاسىمالى» اق باس ديرەكتورى قىزمەتىنەن كەتۋگە شەشىم قابىلدادى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577