سارسەنبى, 23 قىركۇيەك 2020
COVID-19 قازاقستاندا. جۇقتىرعاندار — 107450. جازىلعاندار — 102219. قايتىس بولعاندار — 1699
469 0 پىكىر 13 تامىز, 2020 ساعات 13:14

«اق جول» دەپۋتاتتارى كاسىپكەرلەرمەن كەزدەستى

الماتى كاسىپكەرلەرى «اق جول» پارتياسىنىڭ دەپۋتاتتارىنا مەملەكەتتىك قولداۋ اياسىندا بۇرىن العان نەسيەلەردى تومەن مولشەرلەمە بويىنشا قايتا قارجىلاندىرۋ (جۇكتەمەنى ۇلعايتپاي) مۇمكىن ەمەستىگىنە شاعىمداندى 

«اق جول» دەموكراتيالىق پارتياسىنىڭ دەپۋتاتتارى ازات پەرۋاشەۆ پەن ەرلان بارلىباەۆتىڭ قاتىسۋىمەن دۇيسەنبىدە وتكەن بەينەكونفەرەنتسيادا شاعىن بيزنەس وكىلدەرى مەملەكەتتىك قولداۋدىڭ جەتكىلىكسىز ەكەندىگى تۋرالى ماسەلەنى كوتەردى.

مىسالى، ازىق-تۇلىك ونەركاسىبى وداعىنىڭ ءتورايىمى مارينا سابراليەۆا بۇرىن العان نەسيەلەردى جاڭا مولشەرلەمە بويىنشا قايتا قارجىلاندىرۋ مۇمكىن ەمەستىگىن ايتتى. كاسىپكەرلەردىڭ مۇنداي ارەكەتتەرى نەسيەنى قايتا ەسەپتەۋ جانە نەسيەلىك جۇكتەمەنىڭ ۇلعايتىلاتىنىمەن اياقتالاتىنىن جەتكىزدى.    

مەملەكەت تومەنگى مولشەرلەمەدەگى جاڭا نەسيەلەرگە وراسان قاراجات ءبولدى. بىراق بانكتەر جاڭا مولشەرلەمە بويىنشا بۇرىنعى نەسيەلەردى قايتا قارجىلاندىرۋعا قارسى. ەگەر قارجىلاندىرسا، بۇرىنعى نەسيە بەرەشەگىن قوسىپ، قايتا قارجىلاندىرادى.     

«ماقسات جاڭا نەسيەلەردى تاراتۋدا ەمەس، داعدارىستان زارداپ شەككەن بيزنەستى قولداۋدا ەمەس پە؟ بىراق بۇلاي بولماي تۇر،– دەدى تاعام وندىرۋشىلەر. سوندىقتان دا ۇلتتىق بانك پەن قارجى نارىعىن رەتتەۋ اگەنتتىگىنىڭ بانكتەردى بيزنەستىڭ ەسكى نەسيەلەرىن جاڭا مولشەرلەمە بويىنشا نەسيەلىك جۇكتەمەسىن كوتەرمەي، كەرىسىنشە ونىڭ بەرەشەگىن تومەندەتۋدى مىندەتتەيتىن شەشىمى كەرەك.    

كاسىپكەرلەر «دامۋ» قورىنىڭ قارجىلىق كومەك نەسيەلەرى بويىنشا بەرەشەكتى  شەگىندىرۋ حاتتاماسىن تولتىرۋ كەزىندە «فورس-ماجور تۋرالى قۇجات» پەن كومپانيانىڭ قارجىلىق قيىن جاعدايىن راستايتىن وزگە دە قۇجاتتاردى تاپسىرۋ تالاپتارىنا دا قاتىستى سۇراقتار قويدى.

«قورعا بۇل نە ءۇشىن قاجەت؟ پرەزيدەنت كوكتەمدە فورس-ماجورلىق جاعداي دەپ تانىدى. قازىر دە كارانتين ۇزارتىلدى جانە ۇكىمەتتىڭ نەسيەلەردى 1 قازانعا دەيىن شەگىندىرۋدى جالعاستىرۋ تۋرالى شەشىمى دە بار. نەگە ەكەنى بەلگىسىز «دامۋ» قورى كاسىپكەرلەردەن قۇجاتتاردى تالاپ ەتۋدە، ولار نەگە ءبىزدى تاعى دا قاعازباستىلىققا ماجبۇرلەيدى» دەپ اشۋلاندى كاسىپكەرلەر. 

الماتى اۋىر ماشيناجاساۋ زاۆودىنىڭ باس ديرەكتورى جەتپىسباي ەدىگەنوۆ وندىرۋشىلەر ءۇشىن ارزان تۇنگى تاريفتەردى قولدانۋدى جاڭعىرتۋ تۋرالى ماسەلەنى كوتەردى. ونىڭ ەسەپتەۋلەرى بويىنشا، مۇنداي تاريفتەردىڭ الىنىپ تاستالۋىمەن وندىرۋشىلەردىڭ  شىعىندارى 12% ارتقان. ماشيناجاساۋشىلار قازىرگى جاعدايدا تۇنگى تاريفتەردى قايتارۋ بيزنەستى قولداۋدىڭ ماڭىزدى شارالارىنىڭ ءبىرى  بولار ەدى دەيدى.

قاتىسۋشىلار قازىرگى قيىن جاعدايدان ەكونوميكا مەن كاسىپورىنداردى الىپ شىعۋ جونىندە كوپتەگەن باسقا دا ۇسىنىستار ايتتى.

ازات پەرۋاشەۆ بارلىق ۇسىنىستار جيناقتالىپ، «اق جول» پارتياسىنىڭ ۇكىمەتكە ۇسىناتىن ۇسىنىستار توپتاماسىنا ەنگىزىلەتىنىنە سەندىردى. 

Abai.kz

0 پىكىر