الماتى اكىمى باقىتجان ساعىنتاەۆ كۇشەيتىلگەن شەكتەۋ شارالرىنىڭ ەنگىزىلۋى ناتيجەسىندە قالادا كوروناۆيرۋس ينفەكتسياسى بويىنشا جاعدايدىڭ تۇراقتانعانىن ايتتى. قالا اكىمى بۇل مالىمدەمەنى «الماتى» تەلەارناسىنىڭ تىكەلەي ەفيرىندە جاسادى.

ساعىنتاەۆتىڭ ايتۋىنشا، 5 شىلدەدە  ەنگىزىلگەن كارانتين شارالارىنىڭ ارقاسىندا ەپيدەميولوگيالىق جاعداي ايتارلىقتاي جاقسارعان. سونىڭ ارقاسىندا كوروناۆيرۋسپەن كۇرەسكە جۇمىلدىرىلعان كلينيكالار بۇرىنعى جۇمىس رەجيمىنە ورالا باستادى. ماسەلەن، №4 جانە 7 قالالىق ەمحانالار وزدەرىنىڭ نەگىزگى باعىتتارى بويىنشا تولىق جۇمىس ىستەي باستادى. ال قالعان ەمحانالار وزدەرىنىڭ نەگىزگى جۇمىستارىنا كەزەڭ-كەزەڭىمەن ورالادى.

سونىمەن قاتار، كۇزگى-قىسقى ماۋسىمدا ىندەتتىڭ جاڭا تولقىنىنىڭ بولۋى مۇمكىن ەكەنىن ەسكەرە وتىرىپ، ستاتسيونارلاردىڭ كوۆيدتى گوسپيتالدەر رەجيمى بويىنشا جۇمىس جاساۋلارىنىڭ جوسپارى ازىرلەنگەن.

«كۇنىنە شامامەن 200 گوسپيتال جۇمىس ىستەيتىن بولادى. ىندەت شارىقتاعان كەزدە ءبىز 500-گە جۋىق ناۋقاستى اۋرۋحانالارعا جاتقىزدىق. بۇل قالانىڭ مەديتسينا جۇيەسىنە تۇسەتىن وتە اۋىر جۇك. ىندەتتىڭ جاڭا تولقىنىنا قارسى ءىس- ارەكەت جوسپارىنا ساي ستاتسيونارلار 2-3 كۇن ىشىندە كوۆيدتى ناۋقاستاردى ەمدەۋگە دايىن بولۋلارى ءتيىس», – دەدى قالا اكىمى.

سونداي-اق، اكىمنىڭ ايتۋىنشا، جەدەل جۇمىس ىستەۋ ءۇشىن مەديتسينالىق كومەكتىڭ العاشقى بۋىنى – العاشقى مەديتسينالىق-سانيتارلىق كومەك پەن ەمحانا بايلانىسى كۇشەيتىلىپ جاتىر.

«وسىعان وراي، ءبىز كۆي بەلگىلەرى پايدا بولعان كەزدە نە ىستەۋ كەرەك، كىمگە جانە قايدا جۇگىنۋگە بولاتىندىعى تۋرالى نۇسقاۋلىقتار ازىرلەدىك. امبۋلاتوريالىق ەم الاتىن ءارى ەمحانالار دارىگەرلەرىنىڭ باقىلاۋىندا بولاتىن ناۋقستاردى قاجەتتى ءدارى-دارمەكتەر پرەپاتاتتارىمەن قامتاماسىز ەتتىك. وسى ماقساتتا ءدارى-دارمەكتەردى تۇراقتاندىرۋ قورى قۇرىلدى، وعان 5 ملرد تگ ءبولىندى»، – دەدى ساعىنتاەۆ.

Abai.kz