سەنبى, 19 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
572 3 پىكىر 13 تامىز, 2020 ساعات 11:09

ەو بەلارۋس بيلىگىنىڭ وكىلدەرىنە سانكتسيا سالۋى مۇمكىن

ەۋروپالىق وداق بەلارۋس بيلىگىنىڭ سايلاۋ ناتيجەلەرىن بۇرمالاۋعا، بەلسەندىلەردى تۇتقىنداعا جاۋاپتى وكىلدەرىنە سانكتسيا سالۋى مۇمكىن.

ەۋروپالىق وداقتىڭ سىرتقى ىستەر مەكەمەسىنىڭ باسشىسى جوزەپ بوررەل سەيسەنبى كۇنى وسىلاي دەپ مالىمدەدى.

9 تامىزدا بەلارۋستە ۇيىمداستىرىلعان پرەزيدەنت سايلاۋى ءادىل وتپەدى دەلىنگەن مالىمدەمەدە. بۇعان قوسا، بەلارۋس بيلىگى نارازىلىق اكتسياسىنا قاتىسۋشىلارعا كۇش قولدانىپ، سونىڭ سالدارىنان كەم دەگەندە ءبىر ادام قازا تاپقان.

ەو بەلارۋس بيلىگىنەن ۇستالعان بەلسەندىلەردىڭ بارلىعىن تەز ارادا بوساتۋىن تالاپ ەتتى.

مالىمدەمەدە ەو مەن مينسك قارىم-قاتىناسى ناشارلاۋى مۇمكىن ەكەنى ايتىلدى.

پولشا، ليتۆا جانە ۋكراينا سىرتقى ىستەر مينيسترلەرى دە وسىعان ۇقساس مالىمدەمە تاراتتى. ولار بەلارۋس بيلىگى مەن ازاماتتىق قوعام اراسىندا ديالوگ ورناتۋعا كومەكتەسۋگە ءازىر.

بەلارۋس ورتالىق سايلاۋ كوميسسياسى پرەزيدەنت سايلاۋىندا الەكساندر لۋكاشەنكو جەڭىسكە جەتتى دەپ حابارلاعان. رەسمي مالىمەت حالىقتىڭ جاپپاي نارازىلىعىن تۋعىزدى. ولار سايلاۋ ناتيجەلەرى بۇرمالاندى دەپ ەسەپتەيدى. بەلارۋس بيلىگى نارازىلىقتاردى كۇشپەن باسىپ، مىڭداعان ادامدى تۇتقىندادى.

Abai.kz

3 پىكىر