س.قوجامقۇلوۆ اتىنداعى جەزقازعان قازاق مۋزىكالىق-دراما تەاترىنىڭ باسشىسى لاۋازىمىنا م.اۋەزوۆ اتىنداعى قازاق مەملەكەتتىك اكادەميالىق دراما تەاترى ديرەكتورىنىڭ ەكس-ورىنباسارى دوسحان ساكەنۇلى تاعاي̆ىندالدى. بۇل تۋرالى جەزقازعان تەاترىنىڭ ءباسپاسوز قىزمەتى حابارلايدى.

تەاتردىڭ جاڭا باسشىسىن قاراعاندى وبلىسىنىڭ مادەنيەت، ارحيۆتەر جانە قۇجاتتاما باسقارما باسشىسىنىڭ ورىنباسارى ەرلان نەلدىباەۆ تانىستىردى.

دوسحان ساكەن ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ "تەاتر اكتەرى" جانە اي̆ماقتىق الەۋمەتتىك-يننوۆاتسيالىق ۋنيۆەرسيتەتتىڭ "قۇقىقتانۋ" ماماندىعى بوي̆ىنشا ءتالىم العان.

ەڭبەك جولىن الماتى قالاسىنىڭ جاستار ساياساتىن دامىتۋ مەملەكەتتىك قورىندا باستادى.

ءار جىلدارى ت.جۇرگەنوۆ اتىنداعى قازاق ۇلتتىق ونەر اكادەمياسىندا "شىعارماشىلىق لابوراتوريانىڭ" پروديۋسەرى، "الاشۇلى" ەتنو-توبىنىڭ ارت-ديرەكتورى، وتاندىق جەكە كينوستۋديالار مەن تەاتردىڭ ديرەكتورى، م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ماركەتينگ جانە قوعاممەن باي̆لانىس ءبولىمىنىڭ جەتەكشىسى، م.اۋەزوۆ تەاترى ديرەكتورىنىڭ ورىنباسارى لاۋازىمىندا ەڭبەك ەتتى. "قازاقستان مەنشىك يەلەرىنىڭ قۇقىقتارىن باسقارۋ قوعامى" رەسپۋبليكالىق قوعامدىق بىرلەستىكتىڭ اتقارۋشى ديرەكتورى لاۋازىمىندا قىزمەت ەتتى. جەكە كينوستۋديا مەن تەاتردا قىزمەت اتقارا وتىرىپ، حالىقارالىق تەاتر فەستيۆالدەرىنىڭ قاتىسۋشىسى جانە وتاندىق كينو جانە تۆ سالاسىندا قىزمەت اتقاردى.

Abai.kz