دۇيسەنبى كۇنى كەشكىسىن مينسكتە سايلاۋ ناتيجەسىمەن كەلىسپەگەن نارازى توپ قايتا كوشەگە شىقتى.

مينسكىدەگى حالىق نارازىلىعىنان رەپورتاج جاساپ جاتقان جەرىنەن ۇستالعان Daily Storm باسىلىمىنىڭ جۋرناليستەرى انتون ستاركوۆ پەن دميتري لوسەنكونى بوساتتى دەپ حابارلايدى Sputnik.

مينسكىدە دۇيسەنبى كۇنى كەشكىسىن نارازىلىق اكتسياسىنىڭ قاتىسۋشىسى قازا بولدى. بۇل جونىندە بەلارۋس ىشكى ىستەر مينيسترلىگى حابارلادى. بۇل ءبىرىنشى رەسمي راستالعان اقپارات بولدى.

ءىىم حابارلاۋىنشا، دەمونسترانتتار "پۋشكين" مەتروسى جانىندا قارسىلىق بىلدىرگەن. بۇل جەرگە قارۋلى كۇش بارعان. رەسمي تاراتقان مالىمدەمە بويىنشا، قارسىلىق ءبىلدىرۋشىنىڭ ءبىرى جارىلعىش حات لاقتىرماق بولعاندا، قولىندا جارىلىپ، سول جەردە قازا تاپقان.

بولعان جاعداي تۋرالى تاۋەلسىز كۋاگەرلەردىڭ اقپاراتى ازىرگە جوق. بەلارۋس اقپارات قۇرالدارىنىڭ جازۋىنشا، كۇش قۇرىلىمدارى رەزەڭكە وق پەن جارىق-دىبىستىق قول گراناتاسىن قولدانعان. الەۋمەتتىك جەلىلەردە دەمونسترانت سونداي گراناتادان قايتىس بولۋى مۇمكىن دەگەن بولجام ايتىلىپ جاتىر.

9 تامىزدا بەلارۋستا پرەزيدەنت سايلاۋى ءوتتى. رەسمي مالىمەت بويىنشا، قازىرگى پرەزيدەنت الەكساندر لۋكاشەنكو – 80,08 پروتسەنت داۋىس جيناعان. ونىڭ قارسىلاسى سۆەتلانا تيحانوۆسكاياعا سايلاۋشىلاردىڭ 10,09 پروتسەنتى داۋىس بەرگەن. ول مۇنىمەن كەلىسپەيدى.

Abai.kz