جۇما, 29 ناۋرىز 2024
4912 0 پىكىر 8 تامىز, 2020 ساعات 17:18

ترامپ TikTok پەن WeChat جۇمىسىنا تىيىم سالۋ جونىندە جارلىققا قول قويدى

اقش پرەزيدەنتى دونالد ترامپ TikTok جانە WeChat تىركەمەلەرى امەريكالىق كومپانيالارعا ساتىلماسا، 45 كۇن ىشىندە ولاردى قولدانۋعا تىيىم سالۋ جونىندە بۇيرىققا قول قويدى.

جارلىققا سايكەس، TikTok الەۋمەتتىك جەلىسىنە يەلىك ەتەتىن قىتايلىق ByteDance كومپانياسىمەن قانداي دا ءبىر كەلىسىمگە كەلۋگە تىيىم سالىنادى. WeChat تىركەمەسىن باسقاراتىن Tencent كومپانياسىنا دا وسىنداي شارا قولدانىلادى.

اق ءۇي مالىمەتىنە قاراعاندا، بۇل پلاتفورمالار اقش قاۋىپسىزدىگىنە قاۋىپ تۋدىرىپ وتىر ءارى ونى جويۋ ءۇشىن شەكتەۋ شارالارى قارالىپ جاتىر.

ترامپ قىتاي كومپانيالارى ىستەپ شىققان تىركەمەلەر اقش-تىڭ ۇلتتىق قاۋىپسىزدىگىنە، سىرتقى ساياساتىنا جانە ەكونوميكاسىنا قاۋىپ توندىرەدى دەپ ەسەپتەيدى. ونىڭ ايتۋىنشا، TikTok امەريكالىق قولدانۋشىلاردىڭ جەكە مالىمەتتەرىن پايدالانىپ وتىر. مۇنىمەن قىتاي امەريكالىق شەنەۋنىكتەردى اڭدىپ، بوپسالاۋ جانە تىڭشىلىق جاساۋ ءۇشىن جەكە مالىمەتتەردىڭ مۇراعاتىن جاساپ جاتىر.

ByteDance كومپانياسى وتكەن اپتادا TikTok امەريكالىق نارىقتان كەتپەيتىنىن، تىركەمە جەكە مالىمەتتەر ءۇشىن قاۋىپسىز ەكەنىن ايتقان.

وسىعان دەيىن Microsoft TikTok الەۋمەتتىك جەلىسىن ساتىپ الۋعا نيەتتەنىپ جاتقانىن حابارلاعان. ترامپ بۇعان جاۋاپ رەتىندە "ەگەر امەريكا قازىناسى ونىڭ باسىم بولىنىنە يە بولسا، بۇل كەلىسىمدى قولدايمىن" دەگەن. سول كەزدە ول الەۋمەتتىك جەلىنى 15 قىركۇيەككە دەيىن جابۋعا نيەتتەنىپ جاتقانىن ەسكەرتكەن.

امەريكادا "TikTok" تىركەمەسىن 80 ميلليوننان استام ادام قولدانادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564