دەنساۋلىق ساقتاۋ مينيسترلىگى قازاقستانداعى كوروناۆيرۋستىڭ ەكىنشى تولقىنىنا قاتىستى جاڭا بولجام تۋرالى ايتتى.  

«بۇل بولجام (شامامەن) شىلدە ايىندا جاسالدى. ودان ءارى رەانيماتسيالىق توسەك-ورىنداردى جانە COVID-19 بەلگىلەرى بار ناۋقاستاردى ەمدەۋ ءۇشىن بارلىق رەسۋرستاردى ورنالاستىرۋ جوسپارلانعان»، - دەدى دەنساۋلىق ساقتاۋ ۆيتسە-ءمينيسترى ليۋدميلا بيرابەكوۆا وكق-دەگى ونلاين-بريفينگتە.

ونىڭ ايتۋىنشا، قازىرگى ۋاقىتتا بۇل بولجام جاڭارتىلۋدا.

«بىرىككەن ستاتيستيكاعا جۇگىنەتىندىكتەن، ءبىز قايتا ەسەپتەۋىمىز كەرەك. بۇكىل الەمدە ايتىلاتىن ەكىنشى تولقىندى ءبىز كۇز مەزگىلىندە دەپ جوبالايمىز. وسى ۋاقىتتا ماۋسىمدىق اۋرۋلار باستالادى. ولار: ۆيرۋستىق ينفەكتسيالار، تۇماۋ، پاراگريپ. وسىعان وراي، جاڭا بولجام جاسالدى.ونى ءبىز جاقىن ارادا جاريالايمىز»، - دەدى بيۋرابەكوۆا.

Abai.kz