جۇما, 29 ناۋرىز 2024
انە، كوردىڭ بە؟ 2989 6 پىكىر 7 تامىز, 2020 ساعات 14:20

ءمامس. 75,5 ملن. تەڭگەگە «جالعان قۇجات» جاسالعان

سەنات دەپۋتاتى دانا نۇرجىگىتوۆا باس پروكۋراتۋرا مەن دەنساۋلىق ساقتاۋ مينيسترلىگىنەن مەديتسينالىق قىزمەت كورسەتىلدى دەپ جالعان مالىمەت بەرۋ جاعدايىن تەكسەرىپ، كىنالىلەردى جازالاۋدى سۇراعان. ول بۇل تۋرالى الەۋمەتتىك جەلىلەردەگى پاراقشاسىندا مالىمدەدى.

«مەديتسينالىق ساقتاندىرۋ قورى ءبىر عانا جارتى جىلدىقتىڭ ىشىندە سومماسى 75,5 ملن. تەڭگە 11 607 جالعان تاعايىنداۋ جاساعانى انىقتالعان. قازىر ەلىمىز ءۇشىن ونسىزدا وڭاي ەمەس كەزەڭدە ورىن العان جاعداي وتاندىق دەنساۋلىق ساقتاۋ جۇيەسىن «قايتا ىسكە قوسۋ» قاجەت ەمەس پە دەگەن وي سالىپ وتىر.

كىنالىلەردى انىقتاپ جانە جازالاپ قانا قويماي، سونداي-اق جۇيەلىك كەشەندىك شارالار قاراستىرۋ قاجەت. مەنىڭ ويىمشا، بۇل جاعدايدا قاراپايىم دارىگەرلەرگە عانا جاۋاپكەرشىلىكتى ارتۋدىڭ قاجەتى جوق. ولاردىڭ ەڭبەگىنە پاندەميا كەزىندە بارلىعىمىز كۋا بولدىق. ۋاكىلەتتى ورگاننان وسىنداي جاعدايلاردى بۇدان ءارى بولدىرماۋ جانە تولىعىمەن جويۋ ماسەلەرىنە قاتىستى ناقتى ۇسىنىستارىن كۇتەمىز»، - دەلىنگەن سەناتوردىڭ جازباسىندا.

دانا نۇرجىگىتوۆا قاداعالاۋشى ورگانعا جوعارىداعى اتالعان زاڭ بۇزۋشىلىقتاردى انىقتاۋ، كورسەتىلمەگەن مەديتسينالىق قىزمەتتەر ءۇشىن تولەنگەن قاراجاتتاردى قايتارۋ جانە كىنالىلەردى جاۋاپكەرشىلىككە تارتۋ بويىنشا پروكۋرورلىق باقىلاۋ جۇرگىزۋ تۋرالى رەسمي ساۋال جولدايتىنىن جازىپتى.

سونىمەن قاتار، ءوزىنىڭ دەپۋتاتتىق مانداتىن پايدالانا وتىرىپ، سەناتور دەنساۋلىق ساقتاۋ مينيسترلىگىنە جالعان تىركەۋدى بولدىرماۋ ارقىلى مەديتسينالىق تولەم جۇيەلەرىن ودان ءارى جەتىلدىرۋ، ۆەدومستۆولىق جانە ناۋقاستار تاراپىنان قاداعالاۋ قۇقىعىن كۇشەيتۋ، قوردىڭ (امسق) جانە وزگە دە مەديتسينالىق ۇيىمداردىڭ تولىقتاي قارجىلىق اشىقتىعىن قامتاماسىز ەتۋ تۋرالى رەسمي ۇندەۋ جولدايتىنىن مالىمدەدى.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3592