جۇما, 25 قىركۇيەك 2020
COVID-19 قازاقستاندا. جۇقتىرعاندار — 107590. جازىلعاندار — 102360. قايتىس بولعاندار — 1699
1033 1 پىكىر 7 تامىز, 2020 ساعات 14:16

دۇنيەجۇزىلىك بانك: ورتالىق ازيادا داعدارىس بولادى

كوروناۆيرۋس پاندەمياسى ورتالىق ازيا ەلدەرىندەگى ادام كاپيتالى ساپاسىنا جانە الەۋمەتتىك-ەكونوميكالىق دامۋعا قاتتى اسەر ەتەدى. بۇل جونىندە دۇنيەجۇزىلىك دامۋ بانكىنىڭ بايانداماسىندا ايتىلعان.

بۇل ەلدەردە حالىقتىڭ جارتىسىن ستۋدەنتتەر مەن جاستار قۇرايدى. داعدارىس ءوسىپ كەلە جاتقان ۇرپاقتىڭ تابىسىنا قاۋىپ توندىرەدى. زەرتتەۋ بويىنشا، جاسوسپىرىمدەر اراسىندا ساۋاتسىزدىق ارتىپ كەلەدى. بۇل قوعام ومىرىنە بەلسەندى ارالاسۋ ءۇشىن وقۋ، جازۋ، ەسەپتەۋ ساۋاتىن قولدانا المايدى دەگەن ءسوز.

پاندەمياعا دەيىن دە ورتالىق ازياداعى ءبىلىم بەرۋ جۇيەسى تۇرمىسى تومەن وتباسىنان شىققان جاستارعا ءبىلىم الۋدا تەڭ مۇمكىندىك بەرۋدە بىرقاتار پروبلەماعا تاپ بولعان.

دۇنيەجۇزىلىك بانك مالىمەتى بويىنشا، ورتالىقازيالىق ستۋدەنتتەر ەۋروپالىق قاتارلاسىنان 1,5 جىلعا قالىپ قويعان. ەكونوميكالىق قاۋىمداستىق جانە دامۋ (PISA) حالىقارالىق باعدارلاماسىنىڭ ەسەبى بويىنشا، اتالعان ايماقتىڭ ستۋدەنتتەرى نەگىزگى ساۋات بويىنشا تومەن ناتيجە كورسەتكەن.

PISA مالىمەتىنە سايكەس، قازاقستاندا كەدەي وتباسىنان شىققان بالالار ءبىلىمدى زامانداستارىنان ءبىر جىلعا، قىرعىزستاندا 2,5 جىلعا قالىپ قويعان.

كوروناۆيرۋس پاندەمياسى ءبىلىم بەرۋ سالاسىنا قاتتى سوققى بەرىپ جاتىر، ونىڭ سالدارى ون جىلدان كەيىن بايقالادى دەيدى ساراپشىلار. ەكونوميكا سالاسىنىڭ وزىنە 44 ملرد دوللار شىعىن كەلتىرگەن.

دۇنيەجۇزىلىك دامۋ بانكىنىڭ باستى ەكسپەرتى ايشا ۆاۋدا بۇل ءالى پەسسيميستىك ستسەناري ەمەس دەيدى.

دۇنيەجۇزىلىك دامۋ بانكىنىڭ وكىلدەرى ايماق بيلىگى مەكتەپتەرگە ەرەكشە كوڭىل ءبولۋ كەرەگىن ايتادى. اسىرەسە قاشىقتان وقۋ ءۇشىن مەكتەپ وقۋشىلارى مەن ستۋدەنتتەرگە جاعداي جاساۋ قاجەتتىگىن ۇسىنادى.

Abai.kz

1 پىكىر