جۇما, 29 ناۋرىز 2024
6740 1 پىكىر 6 تامىز, 2020 ساعات 10:37

شەكارادا ورىن العان توبەلەستەن كەيىن ميگرانتتاردىڭ قازاقستان اۋماعىنان وتۋىنە رۇقسات ەتىلدى

قازاقستان رەسەيمەن شەكارادا بوگەلىپ قالعان مىڭداعان قىرعىز جانە وزبەك ميگرانتىنىڭ نارازىلىعىنان كەيىن ولارعا اۋماعى ارقىلى وتۋگە رۇقسات بەردى.

قازاقستاننىڭ رەسەيدىڭ ورىنبور جانە سامارا وبلىستارىمەن شەكتەسەتىن اۋماعىندا ءۇش مىڭنان استام قىرعىز جانە وزبەك ميگرانتى جينالىپ قالعانى ايتىلعان ەدى. 3 تامىز كۇنى تاڭەرتەڭ ولار كۇشپەن شەكارادان وتپەك بولدى. بىراق شەكاراشىلار ميگرانتتاردى كەرى قايتاردى.

ۆيدەودان ادامداردىڭ جولدىڭ بويىندا ايقايلاپ، نارازىلىق ءبىلدىرىپ جاتقانى، شەكارا قىزمەتكەرلەرىنىڭ ولاردى كەرى قايتارىپ جاتقانىن كورۋگە بولادى. رەسەي گۆاردياسىنىڭ رەسمي وكىلى ۆالەري گريباكين ساربازداردىڭ ارالاسۋىمەن توبەلەستى دەر كەزىندە توقتاتتىق، ەشكىم زارداپ شەكپەدى دەپ مالىمدەدى.

"قىرعىز بەن وزبەك تارابى 27 شىلدەدە جانە 3 تامىزدا رەسەيدەگى ازاماتتارىن شىعارىپ الۋ ءۇشىن ترانزيت ءدالىزىن سۇرادى", – دەپ مالىمدەدى قازاقستاننىڭ سىرتقى ىستەر مينيسترلىگىنىڭ رەسمي وكىلى ايبەك سمادياروۆ.

ونىڭ سوزىنشە، ءوتىنىشتى قابىل الىپ، 4-5 تامىزدا قىرعىزستاننىڭ 2435 ازاماتىن اۋماعى ارقىلى وتكىزۋگە رۇقسات بەرگەن. ال 2,2 مىڭ وزبەكستاندىقتى پويىز ارقىلى ەلىنە جەتۋىنە مۇمكىندىك بەرگەن.

كوروناۆيرۋس پاندەمياسىنا بايلانىستى رەسەيدە كوپتەگەن ميگرانتتار جۇمىسسىز قالدى. سول سەبەپتەن ولار وتانىنا ورالۋدى ءجون ساناعان.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3559