جۇما, 29 ناۋرىز 2024
2382 6 پىكىر 6 تامىز, 2020 ساعات 10:33

بەيرۋتتا جارىلعان پورتتىڭ باسشىلارى ۇيقاماققا الىندى

ليۆان ۇكىمەتى پورتتا بولعان جارىلىستىڭ سەبەبىن انىقتاعانشا، ونداعى باسشىلاردىڭ ءبارىن ۇيقاماققا الۋ جونىندە شەشىم شىعاردى. بۇل جونىندە ليۆاندىق LBCI باسىلىمى جاريالادى.

ليۆان ىشكى ىستەر مينيسترلىگى بەيرۋتتاعى جارىلىستى بەس كۇن ىشىندە اشىق تۇردە زەرتتەيتىنىن مالىمدەدى. جاۋاپتىلاردىڭ مىندەتتى تۇردە جاۋاپقا تارتىلاتىنىن جەتكىزدى.

تەرگەۋشىلەر ءىستى تەكسەرۋدى باستاپ كەتتى دەپ جازادى Associated Press. قازىر كوپتەگەن ەلدەر ليۆانعا گۋمانيتارلىق كومەك جىبەرىپ جاتىر.

4 تامىزدا بەيرۋتتاعى ءىرى پورتتا جارىلىس بولىپ، كەمىندە 100 ادام قازا تاپتى، 4 مىڭنان استام ادام جارالاندى. جارىلىس تولقىنىن بەيرۋتتان 240 شاقىرىم جەردە ورنالاسقان كيپر دە سەزدى.

ليۆان استاناسىندا 300 مىڭنان استام تۇرعىن قانسىز قالدى. جارىلىس زاردابى 3 ملرد دوللارعا باعالانىپ وتىر. قالاداعى استىق قورىنىڭ 85 پروتسەنتى جارىلىستان زارداپ شەكتى.

بيلىكتىڭ الدىن الا بولجامىنا سايكەس، جارىلىسقا سەبەپ بولعان قويمادا ساقتالعان 2 750 توننا اممياك سەليتراسى. ول 2014 جىلى Rhosus كەمەسىنەن تاركىلەنگەن. كەمەنىڭ يەسى كيپردە تۇراتىن رەسەي ازاماتى يگور گرەچۋشكين سەليترا جۇگىن گرۋزيادان موزامبيككە اكەتىپ بارا جاتىپ، جولدا بەيرۋتكە توقتاعان.

كەيىن كەمە قوجايىنى جۇكتەن باس تارتقان، ال كەمە ەكيپاجى بىرنەشە جىل بويى ليۆاندا قالىپ قويعان: تەك جاقىن كۇندەرى عانا ەلىنە قايتۋىنا مۇمكىندىك العان ەدى.

الدىن الا مالىمەت بويىنشا، جارىلىسقا سەليترا ساقتالعان قويماعا جوندەۋ جۇمىستارى سەبەپ بولعان.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594