جۇما, 25 قىركۇيەك 2020
COVID-19 قازاقستاندا. جۇقتىرعاندار — 107590. جازىلعاندار — 102360. قايتىس بولعاندار — 1699
اڭىز اباي 5886 16 پىكىر 5 تامىز, 2020 ساعات 17:40

كوپتىڭ كۇتكەنى - اباي كۇنى!

قازاقستان رەسپۋبليكاسى ۇكىمەتىنىڭ قاۋلىسىمەن 10-تامىز اباي كۇنى دەپ بەلگىلەندى. 

«قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى №689 قاۋلىسىنا تولىقتىرۋ ەنگىزۋ تۋرالى «قازاقستان رەسپۋبليكاسىنداعى مەرەكەلەر تۋرالى» 2001 جىلعى 13 جەلتوقسانداعى قازاقستان رەسپۋبليكاسى زاڭىنىڭ 4-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. «قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى № 689 قاۋلىسىنا (قازاقستان رەسپۋبليكاسىنىڭ ءپۇاج-ى، 2017 ج.، № 53, 343-قۇجات) مىناداي تولىقتىرۋ ەنگىزىلسىن:

- كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسى مىناداي مازمۇنداعى 22-1-تارماقپەن تولىقتىرىلسىن:

- «22-1. اباي كۇنى – 10 تامىز».

2. وسى قاۋلى العاشقى رەسمي جاريالانعان كۇنىنەن كەيىن قولدانىسقا ەنگىزىلەدى»،- دەلىنگەن قاۋلىدا.

ەستەرىڭىزگە سالا كەتەيىك، وسىعان دەيىن ۇكىمەت 10 تامىزدى «اباي كۇنى» دەپ بەلگىلەپ، رەسمي مەرەكەلەر قاتارىنا ەنگىزۋ تۋرالى ۇسىنىستى «اشىق ۇكىمەت» پورتالىندا قوعامدىق تالقىلاۋعا ۇسىنعان ەدى. ۇسىنىس 26 ماۋسىمدا جاريالانىپ، 13 شىلدەدە اياقتالۋى ءتيىس بولعان.

ايتا كەتەيىك، وسىعان دەيىن ابايدىڭ تۋعان كۇنىنە قاتىستى ەل پىكىرى ەكىۇشتى بولىپ كەلدى. ابايتانۋشىلاردىڭ ءبىر بولىگى ابايدىڭ تۋعان كۇنى 23 تامىز ەكەنىن ايتادى. تاعى ءبىر بولىگى 10 تامىز دەگەندى العا تارتادى. ال يۋنەسكو كولەمىندە تويلانعان ابايدىڭ 150 جىلدىعى 10 تامىز بولىپ بەلگىلەنگەن.  ەندى سول كۇن رەسمي تۇردە بەكىتىلىپتى. بۇل تۋرالى ۇكىمەت ارنايى قاۋلى شىعارىپ، زاڭعا وزگەرىستەر ەنگىزگەن. ول بويىنشا، پرەزيدەنت توقاەۆتىڭ باستاماسىمەن بيىل ەل كولەمىندە اتالىپ وتىلەتىن ابايدىڭ 175 جىلدىعى 10 تامىزعا بەلگىلەنۋى ءتيىس.

اۋەلدە (Covid-19 پاندەمياسى الدىندا) پرەزيدەنت ۇسىنىس ايتىپ، ارنايى مەملەكەتتىك كوميسسيا قۇرىلعاننان كەيىن وڭىرلەردە ءبىرلى-جارىم مادەني ءىس-شارالار وتكىزىلە باستادى. ابايدىڭ ەسىمى كوشەلەر مەن مەكتەپتەرگە بەرىلدى. بۇل تۋرالى اقپاراتتاردى Abai.kz پورتالىندا جاريالاپ وتىردىق. سولاردىڭ ىشىندە اۋىز تولتىرىپ ايتارى – سەمەي قالاسىنداعى اۋەجايعا اباي قۇنانبايۇلىنىڭ ەسىمى بەرىلدى. ودان بولەك، سەمەي وڭىرىنە وبلىس مارتەبەسىن قايتارۋ تۋرالى ۇسىنىستار دۇركىن-دۇركىن ايتىلىپ جاتتى.

Abai.kz اقپاراتتىق پورتالىندا جاريالانعان سول ۇسىنىستاردىڭ ءبىرسىپىراسى مىنە:

1. تالعات تەمەنوۆ:

«سەمەي وبلىسىن قايتا اشسا نۇر ۇستىنە نۇر بولار ەدى»،

2. عابباس قابىشۇلى:

«ءيسى قازاقتىڭ رۋحاني بەسىگى – سەمەي وبلىسى قالپىنا كەلتىرىلسىن!»،

3. ورازالى سابدەن:

«اباي وبلىسىن قۇرۋ تۋرالى».

بۇل ۇسىنىستار قر پرەزيدەنتىنە، قر ۇكىمەتىنە قاراتا ايتىلعانىمەن، قازىرگە دەيىن اقوردا مەن استانا جاقتان رەسمي پىكىر ايتىلعان جوق.

Abai.kz

16 پىكىر