CNN تەلەكانالىنىڭ حابارلاۋىنشا، "ترامپ ۇيىمىن" بانك سالاسىندا الاياقتىق جاسادى دەپ كۇدىكتەنەدى.
بۇل جونىندە اۋداندىق پروكۋرور سايرۋس ۆەنستىڭ ارىزىندا ايتىلعان. سايرۋس ۆەنس سوتتى دونالد ترامپتىڭ سوڭعى 8 جىلداعى تابىس دەكلاراتسياسىن تالاپ ەتۋىن زاڭدى دەپ تانۋىن سۇرايدى.
وسىعان دەيىن پروكۋراتۋرا پرەزيدەنتتەن سايلاۋ قورىنداعى اقشانى زاڭسىز پايدالاندى دەگەن ءىستى زەرتتەۋ كەزىندە سالىق قۇجاتتارىن تالاپ ەتكەن. وندا دونالد ترامپ 2016 جىلى سايلاۋ الدى ناۋقان كەزىندە وزىمەن ينتيمدىك بايلانىستا بولعان ەكى ايەلگە ۇندەمەۋ ءۇشىن قوماقتى اقشا تولەۋى مۇمكىن دەگەن بولجام بار.
پرەزيدەنت ادۆوكاتتارى پروكۋروردىڭ تالاپتارى نەگىزسىز، مۇنىڭ ساياسي استارى بار دەپ مالىمدەگەن.
بۇل ماسەلەگە قاتىستى پرەزيدەنت ترامپ مۇنى ءوزىنىڭ ساياسي قارسىلاستارى دەموكراتتاردىڭ ءىس-ارەكەتى دەپ باعا بەردى.
Abai.kz
