بەيسەنبى, 28 ناۋرىز 2024
2316 0 پىكىر 4 تامىز, 2020 ساعات 13:29

97 اۋىل ينتەرنەتپەن قامتاماسىز ەتىلەدى

بۇگىن ۇكىمەت وتىرىسىندا قر تسيفرلىق دامۋ، يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى باعدات مۋسين حالىقتى جوعارى جىلدامدىقتى ينتەرنەتپەن قامتاماسىز ەتۋ بويىنشا اتقارىلىپ جاتقان جۇمىستار تۋرالى باياندادى.

ونىڭ ايتۋىنشا، «Nur Otan» پارتياسىنىڭ سايلاۋالدى باعدارلاماسى اياسىندا جىل سوڭىنا دەيىن 250-دەن استام تۇرعىنى بار ەلدى مەكەندەردى جوعارى جىلدامدىقتى ينتەرنەتپەن قامتاماسىز ەتۋ تاپسىرىلعان.

مۋسين اتاپ وتكەندەي، بۇگىنگى تاڭدا 118 قالا مەن 4 273 اۋىل 3G جانە 4G تەحنولوگياسىن قولدانا وتىرىپ، جوعارى جىلدامدىقتى ينتەرنەتپەن جابدىقتالعان. قالالار مەن ءىرى ەلدى مەكەندەردە «وپتيكالىق» بايلانىس قولدانىلادى. جىل سوڭىنا دەيىن 928 اۋىلدى ينتەرنەتپەن قامتاماسىز ەتۋ جوسپارلانۋدا. ونىڭ 97-ءسى — قىركۇيەككە دەيىن.

«بۇگىندە 4 422 مەكتەپ 8 مبيت جوعارى جىلدامدىقتى ينتەرنەتپەن قامتاماسىز ەتىلگەن. تاعى 1 086 مەكتەپتىڭ ينتەرنەتتى وسى دەڭگەيگە كوتەرۋگە تەحنيكالىق مۇمكىندىگى بار. ول ءۇشىن اكىمدىكتەر ءتيىستى قاراجاتتى قاراستىرۋى قاجەت»، — دەدى ب. مۋسين.

سونداي-اق قامتۋ ايماعىن كەڭەيتۋ جانە ينتەرنەتكە قوسىلۋ جىلدامدىعىن ارتتىرۋ ماسەلەسىن شەشۋ ءۇشىن وسى جىلدىڭ ناۋرىز ايىنان باستاپ 306 بازالىق ستانتسيا سالىندى جانە ونىڭ 1 802-ءسى جاڭعىرتىلدى. 105 مىڭنان استام جاڭا ءۇي سىمدى ينتەرنەتكە قوسىلعان.

سونىمەن قاتار ب. مۋسين ينتەرنەت ساپاسىن جاقسارتۋدىڭ قوسىمشا شارالارى تۋرالى باياندادى. ماسەلەن، نۇر-سۇلتان، الماتى جانە شىمكەنت قالالارىندا راديوجيىلىك سپەكترى تالداندى، ونىڭ نەگىزىندە قوسىمشا انتەننا-دىڭگەك قۇرىلىستارىن ورناتۋ قاجەت بولاتىن ناقتى ورىندار انىقتالدى.

«ءبىز سىزدەن اكىمدىكتەرگە جەر تەلىمدەرىن بولۋگە جانە وندا ەلەكتر ەنەرگياسىن وتكىزۋگە كومەك كورسەتۋدى تاپسىرۋىڭىزدى سۇرايمىز. سودان كەيىن ءبىز اكىمدىكتەرمەن بىرلەسىپ، انتەننا-دىڭگەك قۇرىلىستارىن تۇرعىزاتىن جەكە ينۆەستوردى تابۋعا دايىنبىز، سونىڭ ناتيجەسىندە سيگنالدارى ءالسىز ايماقتار ماسەلەسىن وسىلاي شەشەمىز»، — دەدى ب. مۋسين.

ونىڭ ايتۋىنشا، مۇنداي جۇمىستى بارلىق جەردە جۇرگىزۋ قاجەت. بۇدان وزگە ب. مۋسين جىلجىمالى ولشەۋ كەشەندەرىمەن، اۆتوموبيلدەرمەن جانە تاسىمالداناتىن ولشەۋ اسپاپتارىمەن جابدىقتاۋ ءۇشىن قوسىمشا قاراجات ءبولۋ قاجەت ەكەنىن اتاپ ءوتتى.

سونىمەن قاتار ەندى ءبىلىم بەرۋ پلاتفورمالارى جەرگىلىكتى جەرلەردە قازاقتەلەكومنىڭ دەرەكتەردى وڭدەۋ ورتالىقتارىندا ورنالاساتىنى اتالىپ ءوتتى. بۇعان دەيىن ءبارى ورتالىقتاندىرىلعان بولاتىن جانە بۇل ءبىر جەردە ينتەرنەت-ترافيكتىڭ جينالۋىنىڭ بەلگىلى ءبىر قيىندىقتارىن تۋدىردى. بۇل شەشىم وڭىرلەر بويىنشا ءبىلىم بەرۋ رەسۋرستارىن جەرگىلىكتەندىرۋگە مۇمكىندىك بەرەدى. تيىسىنشە، بۇل ينتەرنەتكە جۇكتەمەنى ازايتادى. بۇدان وزگە بۇل شەشىم بەينە كونفەرەنتسيا بايلانىسى فۋنكتسياسىن پايدالانۋ مۇمكىندىگىنە ىقپال ەتەتىن بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531