يسپانيانىڭ بۇرىنعى كورولى حۋان كارلوس I ەلدەن كەتتى. ونىڭ ۇستىنەن جەمقورلىققا قاتىستى ءىس قوزعالعان. بۇل تۋرالى Mundo باسىلىمى جازدى.

ەكس-مونارح ەلدەن كەتەردە ءوزىنىڭ ۇلى – كورول فيليپپ VI-عا حات جازىپ قالدىرىپتى. حۋان كارلوس ءوز جازباسىندا ەلدەن كەتۋ ارقىلى كورول ءفيليپپتىڭ ەل باسقارۋ ىسىنە ارالاسقىسى كەلمەيتىنىن، بۇل ءوز كەزەگىندە فيليپپكە ەلدى ەمىن-ەركىن باسقارۋعا مۇمكىندىك بەرەتىنىن جازعان.

«مەنىڭ ەلدەن قۋىلۋىم يسپانيا حالقىنا، ونىڭ ينستيتۋتتارىنا، كورول رەتىندە سىزگە ءتيىمدى ءارى پايدالىراق بولماق دەپ سەنەمىن»، - دەپتى حۋان كارلوس.

سونداي-اق، حۋان كارلوس I مۇنداي شەشىمگە كەلۋىنە ەلدەگى قوعامدىق ۇيىمداردىڭ ونىڭ وتكەن جانە قازىرگى ومىرىنە قاتىستى پىكىرلەرى سەبەپ بولعانىن جازىپتى. ءوزىنىڭ ادۆوكاتى ارقىلى ەلدەن قۋىلسا دا، پروكۋراتۋرانىڭ باقىلاۋىندا بولاتىنىن ايتقان.

كورول فيليپپ VI ءوز كەزەگىندە اكەسىنىڭ بۇل شەشىمىنە ريزاشىلىعىن ءبىلدىرىپ، قۇپتاعان. بىراق، ەكس-كورولدىڭ ناقتى قاي ەلگە قۋىلعانى ايتىلماعان.

حۋان كارلوس 2014 جىلى تاعىن بوساتىپ، ونىڭ ورنىنا ۇلى فيليپپ VI تاققا وتىرعان. الايدا ول تاقتان تۇسكەنىمەن، كورول تيتۋلىن ساقتاپ قالعان. كەيىن فيليپپ VI ءوز اكەسىن كورول ءۇيىنىڭ بيۋدجەتىنەن ايىرۋ تۋرالى شەشىم شىعارعان.

ال بيىل ماۋسىمدا يسپانيا جوعارعى سوتى ەكس-كورول حۋان كارلوستىڭ ۇستىنەن قىلمىستىق ءىس قوزعاپ، تەرگەۋدى باستاعان. وعان ساۋديانىڭ مەككەسى مەن مەدينەسى اراسىندا جوعارعى جىلدامدىقپەن جۇرەتىن تەمىر جول قۇرىلىسىنا قاتىستى پارا الۋى مۇمكىن دەگەن كۇدىك تاعىلعان.

Abai.kz