قر قارجى ءمينيسترىنىڭ بۇيرىعىمەن ءانۋار سەرقۇلۇلى جۇمادىلداەۆ قر قارجى مينيسترلىگىنىڭ قازىناشىلىق كوميتەتىنىڭ توراعاسى بولىپ تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى مالىمدەدى.

ءانۋار جۇمادىلداەۆ 22 قىركۇيەكتە قىزىلوردا وبلىسىندا دۇنيەگە كەلگەن. پاتريس لۋمۋمبا اتىنداعى حالىقتار دوستىعى ۋنيۆەرسيتەتى مەن باتىس قازاقستان ينجەنەرلىك-تەحنولوگيالىق ۋنيۆەرسيتەتىن بىتىرگەن.

2005 جىلى باتىس قازاقستان وبلىسى بويىنشا سالىق كوميتەتى توراعاسىنىڭ ورىنباسارى بولىپ تاعايىندالدى. 2008 جىلى قر قارجى مينيسترلىگىنىڭ سالىق كوميتەتىنىڭ الكوگول، تەمەكى جانە اكتسيزدەۋگە جاتاتىن باسقا دا ونىمدەردى اكىمشىلەندىرۋ باسقارماسىنىڭ باستىعى بولىپ ەڭبەك ەتتى.

2009 جىلى قر قارجى مينيسترلىگى سالىق كوميتەتى توراعاسىنىڭ ورىنباسارى بولىپ تاعايىندالدى. 2012 جىلى قر قارجى مينيسترلىگى سالىق كوميتەتىنىڭ توراعاسى لاۋازىمىنا اۋىستىرىلدى.

ءار جىلدارى قر قارجى مينيسترلىگىنىڭ ىشكى مەملەكەتتىك اۋديت كوميتەتىن جانە قارجىلىق باقىلاۋ كوميتەتىن باسقاردى.

2017-2019 جىلدارى قر قارجى مينيسترلىگىنىڭ قارجىلىق مونيتورينگ كوميتەتىنىڭ توراعاسى قىزمەتىن اتقاردى.

2019-2020 جىلدارى قر قارجى مينيسترلىگىنىڭ ىشكى مەملەكەتتىك اۋديت كوميتەتىنىڭ توراعاسى بولدى.

Abai.kz