جۇما, 29 ناۋرىز 2024
جاڭالىقتار 2667 0 پىكىر 31 شىلدە, 2020 ساعات 10:01

«اۋىل – ەل بەسىگى» جوباسى اياسىندا قانداي جۇمىستار اتقارىلدى؟

اۋىل قازاقستان حالقىنىڭ ارقا تىرەر سۇيەنىشى، ءتىپتى تمىرقازىعى دەسەك تە بولادى. اۋىلدىڭ قۇت بەرەكەسى جايلى، جۇرتتىڭ وزەگىن تالدىرماس وزەكتىلگى جايلى، حالىقتىڭ ءوسىپ-ءونىپ وركەن جاياتىن، وركەنيەتكە جەتەتىن ءتۇپ تامىرى ەكەنىن ايتىپ كەلەمىز. قالدا تۇرىپ، الەمدىك وركەنيەتكە اياق باسقانىمىزبەن، اۋىلدان الىستاپ ەشقايدا كەتپەيتىنىمىز انىق. سول ءۇشىن دە اتاقتى «اۋىل - ەل بەسىگى» باعدارلاماسى ىسكە قوسىلعان بولاتىن.

قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ ءوز جولداۋىندا اۋىلدى جەرلەردى جاڭارتىپ، الەۋمەتتىك نەگىزىن جاقسارتۋدى تالاپ ەتكەن بولاتىن. ءدال وسى ماقساتتا ەلباسىنىڭ باستاماسىمەن «اۋىل - ەل بەسىگى» جوباسى باستالعان بولاتىن. اتالعان باعدارلاما قولعا الىنعاننان بەرى ەلىمىزدىڭ تۇكپىر-تۇكپىرىندە اۋىلداردى جاڭارتۋ جۇمىستارى قىزۋ جۇرگىزىلىپ جاتىر. وسى جوبا اياسىندا قانشاما جولدار سالىندى، قانشاما ۇيلەر تۇرعىزىلدى...

ءبىزدىڭ بۇل ماقالانى جازۋداعى ماقساتىمىز «اۋىل – ەل بەسىگى» جوباسى اياسىندا جۇزەگە اسقان بارشا شارۋانى ءتىزىپ شىعۋ ەمەس. ول مۇمكىن دە ەمەس. اتقارىلعان مىڭ-سان جۇمىستى ءبىر ماقالانىڭ اياسىنا سىيعىزۋ اقىلعا قونىمىز. ءبىزدىڭ ايتپاعىمىز شىلدە ايىنىڭ سوڭعى كۇندەرى ايماقتاردا «اۋىل – ەل بەسىگى» جوباسى بويىنشا جۇزەگە اسقان ەكى-ءۇش شارانى جاريالاۋ. سول ارقىلى بۇل جوبانىڭ اۋىلدى كوركەيتۋدە قانشالىق ماڭىزدى ەكەنىن تاعى ءبىر دالەلدەپ كورسەتۋ بولىپ وتىر.

الدىمەن شىرايلى شىعىستان باستاساق. شىعىس قازاقستان وبلىسى، جارما اۋدانىندا ءبىز ءسوتىپ وتىرعان «اۋىل – ەل بەسىگى» مەملەكەتتىك باعدارلاماسى بويىنشا بىرقاتار اسا ماڭىزدى شارالار اتقارلىعان ەكەن.

اۋدان اكىمى احمەتقالي نۇرعوجيننىڭ ايتۋىنشا، «اۋىل – ەل بەسىگى» جوباسى اۋىل تۇرعىندارىنىڭ الەۋمەتتىك يگىلىكتەرگە جانە مەملەكەتتىك قىزمەتتەرگە قول جەتكىزۋىن قاماتاماسىز ەتۋدى ماقسات ەتەدى. سونىمەن قاتار اۋىلدى جەرلەردە ينجەنەرلىك ينفراقۇرىلىمدار جانە الەۋمەتتىك نىسانداردىڭ دامۋىن جەدەلدەتەدى.

«اۋىل – ەل بەسىگى» جوباسى اياسىندا جارما اۋدانى، قالباتاۋ اۋىلىندا اباي اتىنداعى كوپسالالى مەكتەپ-گيمنازيانىڭ عيماراتىن قايتا جوندەۋدەن وتكىزۋ جوسپارلانىپ وتىر. سونداي-اق، اتالعان اۋىلداعى دوستىق كوشەسىنىڭ ومبى-مايقاپشاعاي باعىتىنان كىرە بەرىستەگى تاسجول قايتا جوندەلەدى. جانە اۋەزوۆ كەنتىندە جاڭادان مادەنيەت ءۇيىن سالۋ كودەلگەن. بۇلاردان بولەك، اتالعان كەنتتىڭ كوشەلەرىن قايتا جوندەۋدەن وتكىزىپ جانە باقىرشىق ورتا مەكتەبىنىڭ عيماراتىن تولىقتاي جوندەۋ جوسپارلانىپ وتىر.

جارما اۋدانىنىڭ اكىمى احمەتقالي نۇرعوجين:

- بۇگىندە بارلىق قۇرىلىس جۇمىستارى قارقىن الىپ، حالىق يگىلىگىنە باعىتتالعان جۇمىستار ەرەكشە باقىلاۋدا. ءبىلىم وردالارىن جوندەۋشى مەردىگەرلەر وقۋشىلاردىڭ ءبىلىم الۋىنا كەدەرگى تۋدىرماۋ ءۇشىن بارىنشا جوندەۋ جۇمىستارىن شيراتا وتىرىپ، جاڭا وقۋ جىلىنا دەيىن نىساندى بارىنشا قولدانىسقا بەرۋگە كۇش سالۋدا. دەگەنمەن، جۇمىس ساپاسى - كۇن تارتىبىندەگى باستى تالاپ.

ال اقمولا وڭىرىندە «اۋىل – ەل بەسىگى» جوباسى اياسىندا اۋىل جولدارىنا اسفالت توسەلىپ جاتىر ەكەن. اتاپ ايتقاندا، ساندىقتاۋ اۋدانىندا مەملەكەتتىك باعدارلاما بويىنشا اۋىل اراسىنداعى جولدار جوندەۋدەن ءوتىپ جاتىر. اۋىل اراسىن جالعايتىن 12 شاقىرىمنان استام جولعا جاڭادان اسفالتتى بەتون توسەلگەن كورىنەدى. اتالعان وڭىردە اۋىل جولدارىن جوندەۋگە بيۋدجەتتەن 214 ميلليون تەڭگە بولىنگەن ەكەن. وسى قارجىنىڭ ارقاسىندا اۋىل جولدارى تولىق جاڭارۋدا.

اۋدان اكىمى سالىنىپ جاتقان اۋىل جولدارىن ارالاپ كورىپ، جوندەۋ جۇمىستارىمەن تانىستى. ءارى مەردىگەر كومپانيالاردان ءاربىر جولدىڭ بارىناش ساپالى سالىنۋىن تالاپ ەتتى. ساپاسىمەن قاتار بەلگىلەنگەن ۋاقىتتا اياقتاۋلى دا وتە ماڭىزى ەكەنىن ايتتى.

ساندىقتاۋ اۋدانىنىڭ اكىمى اسقاربەك ۇيسىمباەۆ:

- جول جوندەۋ بويىنشا بارلىق جۇمىستار 10 قىركۇيەككە دەيىن اياقتالۋى ءتيىس. قازىرگى ۋاقىتتا مەردىگەر ۇيىمدار جوندەۋ جۇمىستارىن بەلسەندى جۇرگىزۋدە. كۇزدىڭ باسىنا دەيىن جوسپارعا ساي اياقتاماقپىز.

ەندىگى كەزەڭتە وڭتۇستىك وڭىردەگى جۇمىس بارىسىمەن تانىستىرا كەتەيىك.

سارىاعاش اۋدانىنىڭ ەلدى مەكەندەرىن دامىتۋ ءۇشىن «اۋىل-ەل بەسەگى» باعدارلاماسى بويىنشا جارتىتوبە اۋىلدىق وكرۋگىنىڭ 11 كوشە (23,3 شاقىرىم), ال قاپلانبەك اۋىلىندا 16 كوشەنىڭ (18,8 شاقىرىم) جولى جوندەلدى.

ال اۋدان ورتالىعى سارىاعاش قالاسىندا 3,7 شاقىرىم كوشە جولى ورتاشا جوندەۋدەن وتەدى. اعىمداعى جىلى «جۇمىسپەن قامتۋدىڭ جول كارتاسى - 2020» جوباسى اياسىندا رەسپۋبليكالىق بيۋدجەت ەسەبىنەن وبلىستا 5 كوشەنىڭ 9 شاقىرىمىنا ورتاشا جوندەۋ جۇمىستارى جۇرگىزىلۋدە.

اۋداندى اۋىز سۋمەن قامتاماسىز ەتۋ ءۇشىن اتامەكەن كەنتىندە سۋمەن جابدىقتاۋ جۇيەلەرىنىڭ قۇرىلىسى جۇرگىزىلۋدە. ال ايماقتى كوگىلدىر وتىنمەن قامتاماسىز ەتۋگە كەلەتىن بولساق، اتامەكەن كەنتىندە گازدىڭ وتكىزۋ قابىلەتىن ارتتىراتىن «توبىل» اگتس ستانتسياسىنىڭ قۇرىلىسى باستالدى. گاز قۇبىرىنىڭ ۇزىندىعى - 4,73 شاقىرىم. بيىل وسى قۇرىلىس جۇمىستارى اياقتالىپ، بىرنەشە ەلدىمەكەن گازبەن قامتاماسىز ەتىلەدى.

سونىمەن قاتار، سارىاعاشتاعى «سامال» ىقشاماۋدانىندا 900 ورىندىق مەكتەپتىڭ قۇرىلىسى باستالدى. جۇمىس 2020 جىلدىڭ تامىز ايىندا باستالىپ، 2021 جىلى پايدالانۋعا بەرۋ جوسپارلانعان. عيماراتتىڭ جالپى اۋدانى 8324,2 كۆ. م. جوسپار بويىنشا مۇندا وقۋ بلوگى، سپورتزال، اسحانا جانە مەكتەپ شەبەرحاناسى سالىنادى.

سارىاعاش - مەديتسينالىق تۋريزم دامىعان ايماق. سۇرانىسقا بايلانىستى جىل سايىن مۇندا جاڭا كەشەن سالىنۋدا. سونىمەن، 2020 جىلدىڭ ماۋسىم ايىندا پايدالانۋعا بەرىلگەن«دارحان» شيپاجايى 100 ادامدى قابىلداي الادى. ەمدەۋ-ساۋىقتىرۋ كەشەنىندە 20 ادام تۇراقتى جۇمىسپەن قامتاماسىز ەتىلگەن. ساناتوري جىلىنا 1300-گە جۋىق تۋريس قابىلداۋدى جوسپارلاپ وتىر.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3626