جۇما, 29 ناۋرىز 2024
انە، كوردىڭ بە؟ 3939 1 پىكىر 27 شىلدە, 2020 ساعات 13:54

اسسامبلەيادان 9 دەپۋتات! جازۋشىلار وداعىنان شە؟

قازاقستان حالقى اسسامبلەياسى 1995 جىلى قۇرىلعان. قۇرامىندا 394 مۇشە بار. پارلامەنت ماجىلىسىنە قازاقستان حالقى اسسامبلەياسىنان سايلانعان 9 دەپۋتات ەلدەگى بارلىق ەتنوستار اتىنان وكىلدىك ەتەدى.

قازاقستان جازۋشىلار وداعى 1925 جىلى قۇرىلعان. قۇرامىندا 810 مۇشەسى بار. پارلامەنتتە جازۋشىلار وداعىنا مۇشە قانشا دەپۋتات بار؟

ساياسات، يدەالوگيانى قويا تۇرىپ، اريفمەتيكا تۇرعىسىندا قاراساق، ماجىلىستە قحا-داعى 394-ءتىڭ 9-ى وتىرسا، قجو-داعى 810-نان كەمىندە 18 دەپۋتات وتىرۋى كەرەك.

بۇعان قوسا قجو-نىڭ 11 وبلىس پەن ەلورداداعى فيليالدارىنىڭ باسشىلارى نەمەسە وكىلدەرى جەرگىلىكتى وبلىستىق، قالالىق، ءتىپتى اۋداندىق ءماسليحاتتاردا بار ما؟ جوق بولسا نەگە؟ نە كەدەرگى؟

مانداتتار قاعازبەن بەكىتىلمەسە دە، تاجىريبەدە قاعيداعا اينالۋ كەرەك دەپ ويلامايسىزدار ما؟

«ەلدىڭ بۇگىنى مەن بولاشاعى جاستاردىڭ قولىندا» دەگەن ۇراندار قاي زاماننان بەرى بارلىق ەلدەردە ايتىلىپ جاتادى. اقيقاتىندا ەش جەردە، ەشقاشان ولاي بولماعان، بولمايدى دا! مۇلدە! سوسىن مەملەكەتتىك ءىستى تەك ەكونوميستەر مەن زاڭگەرلەر، بىلايشا ايتقاندا، كاسىبي ماماندار عانا جۇرگىزۋ از. ءتىپتى، ولار دۇنيەدە جوق گەنيلەر بولسا دا. يدەولوگتار دا قانشا تىرىسقانىمەن اسا ەشتەڭە وزگەرمەيدى. قىسقاسى ءىستىڭ باسى-قاسىندا يدەاليستەر بولماسا ەشتەڭە ونبەيدى. ال قالعاندارى تەك ورىنداۋشىلار.

قۇرمەتتى، اقىن-جازۋشى، قالامگەر اعالار، باۋىرلار!

سىزدەر مەملەكەتتىك ساياساتتان، مەملەكەتتىك ىستەن تىس قالعان سايىن، الىستاعان سايىن ۇلتتان، حالىقتان الىستايسىزدار! ۋاقىت پەن ۇرپاق الدىنداعى پارىز، ءتاڭىردىڭ بەرگەن دارىنى مەن قۇدايدىڭ بەرگەن قارىمى الدىنداعى قارىزدان الشاقتايسىزدار. وسىنى ءتۇسىنۋ كەرەك! ويتكەنى قوعامعا كەرەك يدەاليستەر دەگەن - سىزدەر!

قازاققا كەرەكتى قازاقتان باسقا ەشكىم سىرتتان كەپ ىستەپ بەرمەيدى جانە قازاققا قازاقتان باسقانىڭ جانى اشىمايدى.

ەل ورتاق، جەر ورتاق، مەملەكەت ورتاق. سوندىقتان بۇلارعا قاتىستى جاۋاپكەرشىلىك تە - ورتاق!

جومارت ايتقازى

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618