جۇما, 29 ناۋرىز 2024
دەپ جاتىر 12606 28 پىكىر 25 شىلدە, 2020 ساعات 15:00

بالالار ومبۋدسمەنى ارۋجان ساين وتستاۆكىگە كەتسىن!

الگىندە عانا ساتپاەۆ قالاسىندا بولعان جان تۇرشىگەرلىك سۇمدىقتان كەيىن بەلگىلى زاڭگەر، قۇقىق قورعاۋشى، ۇلتتىق سەنىم كەڭەسىنىڭ مۇشەسى ايگۇل ورىنبەك قازاقستانداعى بالالار قۇقىعى جونىندەگى ومبۋدسمەن ارۋجان سايننىڭ وتستاۆكاسىن تالاپ ەتىپ،  الەۋمەتتىك جەلىدە جازبا جاريالادى.

زاڭگەر ءوز جازباسىندا ەلدەگى بالالار ومبۋدسمەنى ارۋجان سايننىڭ جەلىدە ەكى اۋىز ءسوز جازعاننان باسقا ناقتى قانداي شارالار اتقارعانىن سۇراپتى.

ەستەرىڭىزگە سالا كەتەيىك، ارۋجان ساين بالالار قۇقىعى جونىندەگى ومبۋدسمەن قىزمەتىنە 2019 جىلدىڭ شىلدەسىندە تاعايىندالعان بولاتىن.

ارۋجان ساين بيىل 43 جاسقا تولادى. تەلەجۇرگىزۋشى، قوعام قايراتكەرى. اۋىر دەرتكە شالدىققان بالالاردى شەتەلدە ەمدەتۋ ءۇشىن قارجى جينايتىن قايىرىمدىلىق قورىنىڭ ديرەكتورى.

بۇعان دەيىن بالالار ومبۋدسمەنى قىزمەتىن زاعيپا باليەۆا، ساۋلە ايتپاەۆلار اتقارعان.

ايگۇل ورىنبەك "اۋىزاشارعا اۋىز بەكىتپەي، قاي بەتىمەن بارعانىن ...

ايگۇل ورىنبەك، زاڭگەر:

- بالالاردىڭ قۇقىعىن قورعاي الماي وتىرعان ارۋجان ساين وتستاۆكىگە كەتسىن!

بالا قۇقىعىن قورعاۋشى وبۋدسمەن بولۋ – ينتەرنەتتە: «بارىنە تاپسىرما بەردىم، باقىلاۋىمدا»، دەپ پوست جازۋ ەمەس، ناقتى ىسكە كوشۋ!

ءبىر اپتا دا ەلىمىزدىڭ ءار وڭىرىندە بالالار زورلاندى. ارۋجان ساين «پوست» جازعاننان ارى اسا الماي وتىر. بالالاردى زورلىق-زومبىلىقتان قورعاۋ ءۇشىن ناقتى نە جاسالىپ جاتىر؟

قازىر ماجىلىستە «بالالاردىڭ قۇقىعىن قورعاۋ» بويىنشا زاڭ قارالىپ جاتىر. قۇقىق قورعاۋشىلاردىڭ بارلىعى ساراپشى رەتىندە قابىلداناتىن زاڭداردى تالقىلاپ، ۇسىنىستارىمىزدى ايتىپ جاتىرمىز. ول «چاتتا» ارۋجان ساين جوق!

زورلانىپ جاتقان اۋىلدىڭ بالالارى، بايدىڭ بالالارى ەمەس! پرەزيدەنتكە كىرىپ: «ءبارىن قاتىرىپ جاتىرمىن»، دەپ ەسەپ بەرگەننەن باسقا نە ىستەلدى؟! ەسەپتى ءبىرىنشى حالىققا بەرسىن، حالىقتىڭ تىلىندە!

وبۋدسمەن بولعانىنا ەكى جىلدان استى. بالالار ءۇشىن نە جاسالدى؟ قاي وڭىردە زورلىق زومبىلىق كوپ؟ ستاتيستيكا جاسالىپ، ەسەپ بەرگەنىن كورمەدىم! ەكى جىلدان بەرى قاي وڭىرگە كەلىپ، بالالارمەن تىكەلەي جۇمىس جاسادى؟ زورلانعان بالالار ءۇشىن قانداي كريزيستىك ورتالىقتار اشتى؟

حالىقتىڭ ءتىلىن بىلمەيتىن، تۇسىنبەيتىن ادام بالالاردىڭ قۇقىعىن قورعايدى دەپ ويلامايمىن! وسى ەكى جىلدا زورلانعان بالالاردىڭ قۇقىعىن قورعاپ جۇرگەن، ءبىز سياقتى قوعام بەلسەندىلەرىنىڭ باسىن قوسىپ، ۇسىنىستارىمىزدى دا تىڭدامادى! قۇقىقتى، ساۋاتتى ەلدە زاڭ بويىنشا بالالاردىڭ قۇقىعىن قورعايتىن ادامنان تالاپ ەتىلەدى!

بالالاردىڭ قۇقىعىن قورعاۋ ءۇشىن نە جاساپ جاتىرسىز ارۋجان؟!مەن جاۋاپ بەرە سالايىن،  «ەشتەڭە»!!! وڭىرلەردەگى زورلىق-زومبىلىق كوبەيمەسە، ازايعان جوق! فەيسبۋكتا وتىرىپ: «يا ۆسە دەرجۋ پود كونترولەم»، دەپ جازعانان باسقا ەشتەڭە كورمەدىم!

Abai.kz

28 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576