وكىنىشكە وراي، ۆيرۋس اۋىلداردى دا جاۋلاپ الدى. اۋىلداردا جاعداي كۇننەن - كۇنگە كۇردەلەنىپ بارادى. قالادا اپتەكا، اۋرۋحانانىڭ ينفراقۇرىلىمى ءبىرشاما بار بولسا، اۋىلداعى مەديتسينا ينفراقۇرىلىمى مۇشكىل ەكەندىگى انىق.

سونان كەيىن، اۋىلداعى تۋعان-تۋىس الەۋمەتتىك جەلى، مەسسەندجەردى كوپ پايدالانبايدى. اقپارات لەگى تەجەلگەن. وزدەرى دە اۋىرىپ قالسا، ءبالنىس ىزدەپ، اۋدا ورتالىعىنا جەتكەنشە، وزدەرى جەكە قامدانعاندى جاقسى كورەدى.
ال ءدارى-دارمەك، فەلدشەرلىك پۋنكتتەر تاپشى، بولعاننىڭ وزىندە ۋكول، ءدارى جاعى جۇپىنى.

جاعداي وتە كۇردەلى. وبلىس، اۋدان اكىمدەرى وزدەرىنىڭ تولىق قاۋقارسىزدىعىن كورسەتتى. قۇددى اكىمدەر ءبىر الەمدە، حالىق ءبىر الەمدە ءومىر سۇرەتىن ءتارىزدى. قاي وبلىستىڭ اكىمىنىڭ ءجۇرىس-تۇرىسىنا قاراساڭ، ءبارى جايما-شۋاق، ءدارى جەتكىزىلگەن، اۋرۋحانالار بارلىق قاجەتپەن تولىق قامتىلعان. "سولار مارستا تۇراما" دەگەن سۇراق تۋادى.

مەنىڭ ويىمشا، ەلىمىزىدەگى 200 دەن اساتىن اۋداندىق ورتالىق اۋرۋحانالاردى تولىعىمەن رەۆيزيا جاساپ شىققان دۇرىس. حالىقتىڭ 42 پايىزى اۋىلدى جەردە تۇرادى، ولار مەملەكەتتىڭ قامقورىنان تىس قالىپ وتىرعان ءجونى بار.

ماعان مەسسەندجەرگە شىعىس قازاقستان،قىزىلوردا، الماتى، اتىراۋ، ماڭعىستاۋ ولىستارىنىڭ اۋىل ايماقتارىندا تۇراتىن ازاماتتاردىڭ جان-ايقايى كەلەدى. ءدارى جوق، دارىگەر جوق، وكىمەت جوق. قىسقاسى وسى.

جاقىن ارادا، قاي وبلىس اكىمدەرىنىڭ جۇمىسى اقساپ جاتىر، سول جونىندە اقپارات بەرەتىن بولامىز.

وبلىس اكىمدەرىنىڭ جۇمىسىن قوعامدىق دەڭگەيدە باقىلاۋعا الاتىن كۇن جەتتى. ىستەي المايسىڭ با، جۇمىستان كەت، پرينتسيپ ءووڭاي جانە ادىلەتتى.
كەيبىر اكىمدەر، وزدەرىنىڭ ءجۇرىس-تۇرىسىمەن "كەيىنگى برەجنەۆتى" ەسكە تۇسىرەدى.

وتە وكىنىشتى جانە سوراقى...

ەرلان سايروۆتىڭ جازباسى

Abai.kz