بۇگىن قر پرەمەر-ءمينيسترى اسقار ءماميننىڭ توراعالىعىمەن ۇكىمەتتىڭ سەلەكتورلىق وتىرىسى ءوتتى. اتالعان جينالىستا دەنساۋلىق ساقتاۋ ءمينيسترى الەكسەي تسوي كوروناۆيرۋپەن كۇرەستىڭ قازىرگى احۋالى جايلى بايانداما جاسادى.

جاعداي تۇراقتانا باستادى

ءمينيستردىڭ ايتۋىنشا، سوڭعى اپتادا COVID-19-پەن اۋىرۋ جانە ودان ءولىم-ءجىتىم سانىنىڭ تۇراقتانۋ بەتالىسى بايقالادى. اۋرۋعا شالدىعۋ دەڭگەيى تاۋلىگىنە 1500-1600 ادام مولشەرىندە.

«اعىمداعى ايدىڭ ءۇش اپتاسىندا جالپى توسەك-ورىن قورى 30,4 مىڭنان 49,7 مىڭ ينفەكتسيالىق جانە پروۆيزورلىق توسەك-ورىنعا دەيىن ۇلعايتىلدى. توسەك-ورىن قورىنىڭ ءوسۋى 19,3 مىڭ بىرلىكتى قۇرادى. ونىڭ ىشىندە قوسىمشا 5,3 مىڭ ينفەكتسيالىق توسەك-ورىن قاراستىرىلدى. وسىنىڭ ارقاسىندا مۇقتاج پاتسيەنتتەرگە مەديتسينالىق كومەكتىڭ قولجەتىمدىلىگى ايتارلىقتاي ارتتى»، - دەدى ا. تسوي.

ەمحانادا ورىن جەتىسپەۋشىلىك ازايدى

پروۆيزورلىق ستاتسيونارلاردا قوسىمشا اشىلعان 14 مىڭ توسەك-ورىن ەسەبىنەن قامتۋدىڭ قيىن دەڭگەيىنەن (89%) 20%-عا تومەندەدى، قازىر بۇل كورسەتكىش 69%. قازىرگى تاڭدا رەانيماتسيالىق توسەك-ورىننىڭ بوس بولماۋى - 67%. كارانتين ەنگىزىلگەنگە دەيىن بۇل كورسەتكىش 91% قۇراعان ەدى.

مەملەكەت باسشىسىنىڭ تاپسىرماسىن ورىنداۋ ماقساتىندا، قازىرگى كەزدە COVID-19 جانە پنەۆمونيمەن اۋىرعان پاتسيەنتتەردى ەمدەۋ ءۇشىن قاجەتتى ستاتسيونارلىق توسەك-ورىندار سانى جەتكىلىكتى.

«بۇگىنگى كۇنى ينفەكتسيالىق جانە پروۆيزورلىق ستاتسيونارلاردا 1 958 ءوجج اپپاراتى بار، اكىمدىكتەرمەن بىرلەسىپ قوسىمشا 4 183 اپپارات ساتىپ الىنادى (ونىڭ ىشىندە 3105 وتاندىق تاۋار وندىرۋشىدەن), سونداي-اق 21 مىڭنان استام توسەك-ورىن وتتەگىگە قوسىلادى، ونىڭ ىشىندە 17 762 توسەك-ورىن وتتەگى كونتسەنتراتورلارىمەن، 6237-ءسى - دەمەۋشىلەردىڭ ەسەبىنەن وتتەگىگە قوسىلادى»، - دەدى ا. تسوي.

تاۋلىگىنە 32 مىڭ پتر تەستى جاسالادى

تاۋلىگىنە 32 مىڭ تەست وتكىزۋ قۋاتى بار 59 مەملەكەتتىك جانە جەكە زەرتحانا ىسكە قوسىلدى. ءبىر رەت پايدالانىلاتىن مەديتسينالىق ءۇش قاباتتى ماسكانىڭ شەكتى بولشەك باعاسى 28%-عا تومەندەتىلدى. ءبىرىنشى جەلى قىزمەتكەرلەرىنىڭ (مەديتسينا قىزمەتكەرلەرى، قۇقىق قورعاۋ ورگاندارىنىڭ قىزمەتكەرلەرى) تامىز ايىن قوسا العاندا جەكە قورعانىش قۇرالدارىنىڭ رەزەرۆى قالىپتاستىرىلدى. ۇكىمەت رەزەرۆىنەن وسى ماقساتتارعا 7,2 ملرد تەڭگە ءبولىندى.

«ولاردىڭ اياسىندا 41 ملن ماسكا، 27 ملن پەرچاتكا جانە 379 مىڭ قورعانىش كوستيۋمدەر، سونداي-اق 1,2 ملن پتر تەستىلەر ساتىپ الىنادى. جەكە قورعانىش قۇرالدارىنىڭ وسىنداي رەزەرۆى قىركۇيەكتەن باستاپ 2021 جىلعى اقپانعا دەيىن قالىپتاستىرىلادى»، - دەدى ۆەدومستۆو باسشىسى.

اۋىلدى جەردەردە پتر تەستەردى جاساۋعا مال دارىگەرلەرى تارتىلادى

سونىمەن قاتار، اۋداندىق اۋرۋحانالار ءۇشىن وتاندىق تاۋار وندىرۋشىلەردەن 53 رەنتگەن اپپاراتى ساتىپ الىنادى. قوسىمشا 3-4 اي ىشىندە 100 پمك جەتكىزۋ جوسپارلانۋدا، ولار اۋىل تۇرعىندارىن كەشەندى تەكسەرۋدەن وتكىزۋ ءۇشىن بارلىق قاجەتتى جابدىقتارمەن تولىقتىرىلاتىن بولادى.

مەملەكەت باسشىسى زەرتحانالىق زەرتتەۋلەردىڭ قۋاتىن كۇنىنە 40 000 پتر-تەستىلەرگە دەيىن جەتكىزۋدى تاپسىردى، دەمەك 100 مىڭ تۇرعىنعا 215 تەست قاراستىرىلادى دەگەن ءسوز. بۇگىنگى تاڭدا تەستىلەۋدىڭ ناقتى قۋاتى تاۋلىگىنە 32 مىڭ زەرتتەۋدى قۇرايدى. دەمەك، مۇنى تاۋلىگىنە تاعى 8 مىڭعا ءوسىرۋ كەرەك.

ماسەلەنى شەشۋدىڭ كەلەسى جولدارى ازىرلەندى:

ءبىرىنشى. 1 تامىزدان باستاپ ۆەتەرينارلىق قىزمەتتىڭ 67 مامانىن تارتا وتىرىپ ۆەتەرينارلىق قىزمەتتىڭ زەرتحانالارىن پايدالانۋ. وسى مامانداردىڭ كومەگىمەن كۇنىنە 5 200 تەست زەرتتەۋىن جاساۋ (26 پتر جابدىعى). وسىلايشا، وڭىرلەردە پتر تەستىلەۋ تاپشىلىعى اۋىل شارۋاشىلىعى مينيسترلىگىنىڭ زەرتحانالارى ەسەبىنەن تەڭەستىرىلەتىن بولادى.

ەكىنشى. پتر جابدىعىنىڭ 20 جيىنتىعىن جانە جابدىقتالعان 8 جىلجىمالى زەرتحانانى، ونىڭ ىشىندە ءموبيلدى زەرتحانانى ساتىپ الۋ – 20,5 مىڭ (تاۋلىگىنە 4,8 مىڭ زەرتتەۋ) ساتىپ الۋ. جەتكىزۋدىڭ بولجامدى مەرزىمى – 30 تامىز

ءۇشىنشى. نۇر-سۇلتان جانە الماتى قالالارىندا مودۋلدىك زەرتحانالاردىڭ قۋاتىن 8 مىڭعا ۇلعايتۋ.

مينيستر تسويدىڭ سوزىنە قاراعاندا، پتر تەستىن تاپسىرۋ جۇمىسىن جەدەلدەتۋ ءۇشىن، اۋىلدى جەرلەردە مال دارىگەرلەرى كومەككە كەلەتىن سەكىلدى. وسىلايشا، اشم زەرتحانالارىن تارتۋ ارقىلى 1 تامىزعا قاراي تاۋلىگىنە 35,6 مىڭعا جۋىق تەست وتكىزۋ جوسپارلانعان. مينيسترلىك اتالعان تەستىلەۋ جۇمىستارى ءۇشىن بيۋدجەتتەن 42 ملرد تەڭگە، ال جاڭاعى 67 مال دارىگەرى مامانىنىڭ ءىسساپار اقىسىن تولەۋگە 170 ملن تەڭگە سۇراپ وتىر.

Abai.kz