سەنبى, 15 تامىز 2020
COVID-19 قازاقستاندا. جۇقتىرعاندار — 102287. جازىلعاندار — 80716. قايتىس بولعاندار — 1269
46 - ءسوز 2053 12 پىكىر 15 شىلدە, 2020 ساعات 14:42

بىزگە ۆەتنام، وڭتۇستىك كورەيا، جاپونيادان كەڭەسشىلەر شاقىرۋ كەرەك

ۆەتنامدا 100 ملن حالىق تۇرادى، ادام سىعىمدىلىعى وتە جوعارى، تەرريتورياسى شاعىن. وسى ەلدە تاجتاجالمەن بار جوعى 372 ادام اۋىرعان، بارلىعى جازىلىپ شىققان، بىردە - ءبىر قايعىلى جاعداي جوق. "ۆەتنام عاجابى" دەسە دە بولادى. ويتكەنى، قىتايمەن، اسىرەسە ۋحانمەن ەكونوميكالىق قاتىناسى تەرەڭ، بارىس - كەلىس كوپ. بىزگە باسقا ەلدەرمەن قاتار، ۆەتنامنىڭ دا تاجىريبەسىن زەرتتەپ، ولاردان ۇلگى الۋ كەرەك شىعار.

ءبىز (نەلىكتەن ەكەندىگىن بىلمەيمىن) اتى شۋلى، وزدەرى پروبلەماسىن شەشە الماي جاتقان ەلدەردەن كومەك سۇراۋعا دايىن تۇرامىز.

ال قازىر، بىزگە ۆەتنام، وڭتۇستىك كورەيا، جاپونيادان كەڭەسشىلەر شاقىرۋ كەرەك دەپ ەسەپتەيمىن.

بۇل ەلدەردىڭ ءبىر ەرەكشەلىگى، تەمىردەي ءتارتىپ، ادامدار وكىمەتتىڭ ايتقانىن ەكى ەتپەيدى. تولىعىمەن ورىندايدى. وندا، حالقىمىزدى وسىنداي تارتىپكە باۋلىپ، ۇيرەتۋ كەرەك.

ءبىز جاپونيا ءتارىزدى ءومىر سۇرگىمىز كەلەدى، سول ءومىر ءسۇرۋدىڭ زاڭدىلىقتارىن ورىنداعىمىز كەلمەيدى.

وكىمەتكە ناقتى ۇسىنىس، وسى ەلدەردەن كەڭەسشىلەردى شاقىرىپ، ولاردىڭ پراكتيكاسىن زەردەلەي وتىرىپ، سالىستىرۋ ارقىلى، حالىققا ءتۇسىندىرۋ جۇمىستارىن جۇرگىزۋ كەرەك.

ويتكەنى، كۇزدە وتە كۇردەلى جاعداي بولۋى ىقتيمال. ۋاقىتتى بوستان بوسقا وتكىزىپ المايىق.

ەرلان سايروۆتىڭ جازباسى

Abai.kz

12 پىكىر