الماتى. 25 قاراشا. قازتاگ - ءمادينا ءالىمحانوۆا. الماتى مەتروسىنداعى جولاقى بويىنشا ازىرگە جەڭىلدىكتەر بولمايدى، ءجۇرۋ قۇنى جولاۋشىلاردىڭ بارلىق ساناتتارى ءۇشىن ت80 بولادى، دەپ حابارلادى الماتىنىڭ جولاۋشى كولىگى جانە اۆتوكولىك جولدارى باسقارماسىنىڭ باستىعى ۆلاديمير مەرەنكوۆ.

«اكىمدىك تمد-نىڭ ءىرى قالالارىنداعى ءومىر ءسۇرۋ دەڭگەيىمەن سالىستىرعانداعى الماتى قالاسىنداعى ءومىر ءسۇرۋ دەڭگەيىن ەسكەرىپ، مەتروپوليتەن شىعىندارىن سۋبسيديالاۋ تەتىكتەرى ءۇشىن زاڭنامالىق بازانىڭ جوقتىعىن، مەتروپوليتەندەگى جولاقىعا ءتۇرلى جەڭىلدىكتەر قولدانۋ تەتىكتەرىنىڭ جوقتىعىن ەسكەرە وتىرىپ، ەشقانداي جەڭىلدىكتەردى قولدانباستان، 80 تەڭگە كولەمىندە ۋاقىتشا تاريف بەلگىلەۋدى شەشتى»، - دەپ حابارلادى ۆ.مەرەنكوۆ جۇما كۇنى بريفينگتە.

ونىڭ ايتۋىنشا، ءتاريفتى ەسەپتەۋ بارىسىندا اكىمدىك مەتروپوليتەننىڭ 15%-دىق جۇكتەمەسىن ەسكەردى، ونداي جاعدايدا ءبىر جولاۋشىنى تاسىمالداۋدىڭ وزىندىك قۇنى ت407قۇرايدى.

«2012 جىلى مەتروپوليتەننىڭ جۇمىسىن قامتاماسىز ەتۋ ءۇشىن رەسپۋبليكالىق بيۋدجەتتەن 1 ملرد تەڭگە كولەمىندە سۋبسيديا ءبولىندى»، - دەدى ۆ.مەرەنكوۆ.

الماتى. 25 قاراشا. قازتاگ - ءمادينا ءالىمحانوۆا. الماتى مەتروسىنداعى جولاقى بويىنشا ازىرگە جەڭىلدىكتەر بولمايدى، ءجۇرۋ قۇنى جولاۋشىلاردىڭ بارلىق ساناتتارى ءۇشىن ت80 بولادى، دەپ حابارلادى الماتىنىڭ جولاۋشى كولىگى جانە اۆتوكولىك جولدارى باسقارماسىنىڭ باستىعى ۆلاديمير مەرەنكوۆ.

«اكىمدىك تمد-نىڭ ءىرى قالالارىنداعى ءومىر ءسۇرۋ دەڭگەيىمەن سالىستىرعانداعى الماتى قالاسىنداعى ءومىر ءسۇرۋ دەڭگەيىن ەسكەرىپ، مەتروپوليتەن شىعىندارىن سۋبسيديالاۋ تەتىكتەرى ءۇشىن زاڭنامالىق بازانىڭ جوقتىعىن، مەتروپوليتەندەگى جولاقىعا ءتۇرلى جەڭىلدىكتەر قولدانۋ تەتىكتەرىنىڭ جوقتىعىن ەسكەرە وتىرىپ، ەشقانداي جەڭىلدىكتەردى قولدانباستان، 80 تەڭگە كولەمىندە ۋاقىتشا تاريف بەلگىلەۋدى شەشتى»، - دەپ حابارلادى ۆ.مەرەنكوۆ جۇما كۇنى بريفينگتە.

ونىڭ ايتۋىنشا، ءتاريفتى ەسەپتەۋ بارىسىندا اكىمدىك مەتروپوليتەننىڭ 15%-دىق جۇكتەمەسىن ەسكەردى، ونداي جاعدايدا ءبىر جولاۋشىنى تاسىمالداۋدىڭ وزىندىك قۇنى ت407قۇرايدى.

«2012 جىلى مەتروپوليتەننىڭ جۇمىسىن قامتاماسىز ەتۋ ءۇشىن رەسپۋبليكالىق بيۋدجەتتەن 1 ملرد تەڭگە كولەمىندە سۋبسيديا ءبولىندى»، - دەدى ۆ.مەرەنكوۆ.

الدىن الا ەسەپكە سايكەس، پوەزدار قوزعالىسى كەستەسىنىڭ نەگىزىندە مەتروپوليتەننىڭ جولاۋشىلار اعىنى كۇنىنە شامامەن 25 مىڭ ادامدى قۇرايدى، دەدى ول. «مەتروپوليتەن جولاۋشىلارىنا ارقايسىسى 4 ۆاگوننان تۇراتىن زاماناۋي ەلەكتر پوەزداردىڭ 7 قۇرامى قىزمەت كورسەتەدى. ءبىر قۇرامعا 940 ادام سيادى. ءبىرىنشى كەزەڭدە 3 قۇرام جۇمىس ىستەيدى. رەزەرۆ قۇرام جولاۋشىلار اعىنى ارتقاندا ىسكە قوسىلادى»، - دەدى ول.

الماتىنىڭ جولاۋشى كولىگى جانە اۆتوكولىك جولدارى باسقارماسىنىڭ مالىمەتتەرىنشە، مەتروپوليتەننىڭ ءبىرىنشى كەزەگىنىڭ ءبىرىنشى جەلىسىنىڭ قۇنى - ت165,9 ملرد، بۇدان باسقا ءبىرىنشى جەلىنى سولتۇستىك باعىتتا جالعاستىرۋدىڭ تەحنيكا-ەكونوميكالىق نەگىزدەمەسى جاسالدى.

«الماتى مەتروپوليتەنىن ارى قاراي دامىتۋ بويىنشا تەن جاسالدى، وندا ءبىرىنشى جەلىنى سولتۇستىك باعىتتا رايىمبەك داڭعىلى مەن فۋرمانوۆ كوشەسىنىڭ قيىلىسىنداعى رايىمبەك ستانتسياسىنان الماتى-1 ستانتسياسىنا دەيىن جالعاستىرۋ قاراستىرىلعان»، - دەلىنگەن ءباسپاسوز حابارلاماسىندا.

ەسكە سالا كەتەيىك، الماتى مەتروپوليتەنىنىڭ اشىلۋى 1 جەلتوقسانعا جوسپارلانعان.