سەنبى, 15 تامىز 2020
COVID-19 قازاقستاندا. جۇقتىرعاندار — 102287. جازىلعاندار — 80716. قايتىس بولعاندار — 1269
46 - ءسوز 4869 20 پىكىر 11 شىلدە, 2020 ساعات 12:52

جۇمساق پرەزيدەنت. قاتال پرەزيدەنت...

زيالى كىسىنىڭ بالاسى، ءوزى ديپلومات، شەتەلدەگى جۇمىس تاجىريبەلەرى بار. پرەزيدەنت جۇمساق!

ءبىز جۇمساقتىقتى جاسىقتىق، سىپايىلىقتى كونبىستىك، سابىردى ۇمىتشاقتىق دەپ ەسەپتەيمىز.

توقاەۆ ايتادى: جانۇشىرىپ جاساپ جاتقان ەشكىم كورىنبەيدى. ءسوزى ءسوز-اق، ءىسى ...

نازارباەۆ ايتاتىن: بەزىپ كەتەتىن، مينيستر بىتكەننىڭ قۇتى قاشىپ. ءجاي ءسوزىنىڭ ءوزى زاڭ ەدى.

قاتال پرەزيدەنت

جاعداي ەكى اپتادا تۇراقتانبايتىن بولسا "ۇكىمەت قۇرامىنىڭ ءارى قاراي جۇمىس ىستەي بەرگەنى ءجون بە" دەگەن سۇراق تۋىندايدى.

توقاەۆتىڭ ۇرىسقانىنىڭ ءوزى وسىنداي. بارىنشا ءزىلدى، ۇكىمەت تاعدىرىنا تىكەلەي قاتىستى ۇكىمنىڭ ءوزىن بارىنشا جايماشۋاق تىلمەن جەتكىزەدى.

بىراق، پرەزيدەنت سوڭعى اپتانىڭ "جۇلدىزى" بولعان ەكى فيگۋرانى قىزمەتتەن بوساتتى. "سك فارماتسيانىڭ" باسشىسى مەن ءمامس-ءتىڭ ء"ماشىن اپەرگىش" قوجايىنى قىزمەتتەن كەتتى!

ەلدەگى ەپيداحۋال كۇردەلى. ادامدارعا "اۋا" جەتپەي جاتىر...

مينيسترلىك تە، اكىمدىكتەر دە ءوز بەتىنشە شەشىم قابىلداي الماي جاتتى. شەشۋشى كەزەڭدەردە كەشىگىپ قابىلدانعان شەشىمدەر اسەرىنەن اۋىر جاعدايلارعا تاپ بولدىق. بۇرىڭعى دەنساۋلىق مينيسترلىگىنىڭ كوپ بولجامدارى قاتە شىقتى. ناۋقاستار سانىنداعى قۇبىلۋلار حالىق اراسىنداعى ءتۇرلى اڭگىمەگە ارقاۋ بولدى، سەنىمسىزدىككە سەبەپ بولدى!

ءيا، حالىق ۇكىمەتكە سەنۋدەن قالدى. ءوزى ەمدەلدى. وزىنە سەندى، ءبىر-بىرىنە كومەكتەستى...

بۇگىن پرەزيدەنت اشۋلى، تۇنەرىڭكى كورىندى. جان-جاقتان شارشاتقان، ايتقانىن تىڭداماعان ۇكىمەت پەن اتقارۋشى بيلىككە "جەتەر ەندى" دەگەن سەكىلدى.

سونىمەن، بايگى جاقىن - ەكى اپتا!

وسى كەزگە دەيىن قول قۋسىرىپ وتىرعان ء(بىرىنشى فوتو) ءمامين ۇكىمەت حالىقتان ءيىلىپ (ەكىنشى فوتو) كەشىرىم سۇراي الا ما؟

ءاي، قايدام؟!

P.S. توقاەۆ ەندى قاتايماسا ۇكىمەتتى اۋىستىرعاننان پايدا بولمايدى-اۋ.

ايتقان ءسوزىڭ زاڭ بولماسا، جۇمىسىڭدا ءمان بولمايدى. ال، حالىق سەنىمى الاقاندا ەرىگەن مايداي ازايىپ بارادى...

الماس التايدىڭ جازباسى

Abai.kz

20 پىكىر