بەيسەنبى, 6 تامىز 2020
COVID-19 قازاقستاندا. جۇقتىرعاندار — 95942. جازىلعاندار — 68871. قايتىس بولعاندار — 1058
1688 13 پىكىر 10 شىلدە, 2020 ساعات 14:43

«اكىمدەر مەن مينيسترلەردىڭ ءبارى دە جازاعا لايىق»

قازاقستان پرەزيدەنتى قاسىم-جومارت توقاەۆ بيۋدجەتكە، ەكونوميكا مەن ازاماتتاردىڭ قاۋىپسىزدىگىنە شىنايى زيان تيگىزەتىن زاڭبۇزۋشىلىقتارعا باسا نازار اۋدارۋ كەرەكتىگىن ايتتى. 

«قازىرگى جاعداي قۇقىق قورعاۋ ورگاندارى تاراپىنان ناقتى شەشىمدەر مەن ارەكەتتى تالاپ ەتەدى. وسىناۋ كۇردەلى كەزەڭدە بيۋدجەتكە، ەكونوميكا مەن ازاماتتاردىڭ قاۋىپسىزدىگىنە شىنايى زيان تيگىزەتىن زاڭبۇزۋشىلىقتارعا باسا نازار اۋدارۋ كەرەك», - دەدى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا.

پرەزيدەنت سونىمەن بىرگە كەيبىر اكىم ەسكەرتۋ مەن قاتاڭ ەسكەرتۋ العانىن ەسكە سالدى.

«جالپى بۇكىل اكىمدەر مەن مينيسترلەر وسىنداي جازاعا لايىق. الايدا قازىر ءبىز الەۋمەتتىك-ەكونوميكالىق دامۋدىڭ سىني كەزەڭىندە تۇرمىز. ۇكىمەت پەن اكىمدەرگە داعدارىستان شىعۋ ءۇشىن ويلى دا باتىل ارەكەت كەرەك. سەبەبى داعدارىس ۋشىعاتىن سەكىلدى. بۇل – الەمدىك ەكونوميكانىڭ بولجامى. ال قازاقستان ونىڭ ءبىر بولىگى»، - دەدى ول.

سونداي-اق، پرەزيدەنت مينيسترلەرگە، اكىمدەر مەن پرەزيدەنت اكىمشىلىگى قىزمەتكەرلەرىنە دەمالىسقا شىعۋعا تىيىم سالدى.

«وسىمەن جازدىڭ جارتىسى ءوتتى. مينيسترلەر، اكىمدەر، پرەزيدەنت اكىمشىلىگىنىڭ قىزمەتكەرلەرىنە ەشقانداي ەڭبەك دەمالىسى جوق. ويتكەنى، توتەنشە جاعداي ورىن الىپ وتىر. دەمالىس دەگەن ءسوزدى ۇمىتىڭىزدار»، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.

Abai.kz

13 پىكىر