جۇما, 29 ناۋرىز 2024
2401 6 پىكىر 9 شىلدە, 2020 ساعات 11:15

قازاقستاندا مەملەكەتتىك ورگاندارعا ءۇش جىل اۆتوكولىك جانە جيھاز ساتىپ الۋعا تىيىم سالىندى

قازاقستان ۇكىمەتى بيۋدجەت قاراجاتىن ۇنەمدەۋ ماقساتىندا مەملەكەتتىك ورگاندار مەن ۇلتتىق كومپانيالارعا 2023 جىلعا دەيىن اۆتوكولىك جانە جيھاز ساتىپ الۋعا تىيىم سالدى. بۇل تۋرالى رەسپۋبليكانىڭ قارجى مينيسترلىگى حابارلادى.

2020 جىلى جەڭىل اۆتوكولىك جانە كەڭسە جيھازىن الۋعا جوسپارلانعان 532,8 ملرد تەڭگە ($1,2 ملرد) كوروناۆيرۋسپەن كۇرەسۋگە، كاسىپكەرلەر مەن ازاماتتاردى قولداۋعا اۋدارىلادى.

قارجى مينيسترلىگى ءۇش جىلدا 6,4 ترلن تەڭگە ($15,6 ملرد) ۇنەمدەۋدى كوزدەپ وتىر. قازىر شەنەۋنىكتەر جاڭا بيۋدجەت جاساپ جاتىر.

ورتالىق ازيانىڭ بارلىق ەلدەرى كوكتەمنەن بەرى ەكونوميكالىق داعدارىستى باستان وتكەرىپ جاتىر. بۇعان كوروناۆيرۋس پاندەمياسى مەن كارانتين سەبەپ بولدى. ەكونوميستەر كوروناۆيرۋس سالدارىنان تۋىنداعان ەكونوميكالىق پروبلەمالاردى ەكىنشى دۇنيەجۇزىلىك سوعىستان كەيىنگى ەڭ كۇردەلى داعدارىس دەپ بولجايدى.

قازاقستانداعى ەكونوميكالىق جاعدايدىڭ اۋىرلىعى ەڭ اۋەلى مۇنايدىڭ الەمدەگى باعاسىنىڭ تومەندەۋىنە بايلانىستى بولىپ وتىر. كوروناۆيرۋس پاندەمياسىنا بايلانىستى مۇنايعا سۇرانىس كۇرت تومەندەدى. بيۋدجەتتى تولتىرۋ ءۇشىن قازاقستان بيلىگى سىرتقى نارىقتان 3 ملرد دوللار قارىز سالىپ، ۇلتتىق قورداعى اقشانى قولدانۋدى كوزدەپ وتىر.

حالىقارالىق ۆاليۋتا قورى بيىل قازاقستاننىڭ ەكونوميكاسى 2,5 پايىزعا قىسقارىپ، جۇمىسسىزدىق دەڭگەيى 7,8 پايىزعا ارتادى دەپ بولجادى.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3613