جۇما, 29 ناۋرىز 2024
3369 0 پىكىر 9 شىلدە, 2020 ساعات 10:49

قازاقستاندىقتارعا تىكەلەي ەفير ارقىلى مەديتسينالىق كەڭەس بەرىلەدى

«Qazaqstan» ۇلتتىق تەلەارناسى 9 شىلدەدەن باستاپ تىكەلەي ەفيردە «تەلەدارىگەر» جوباسىن باستايدى. ەلىمىزدىڭ بىلىكتى دارىگەرلەرى بەس كۇن بويى تىكەلەي ەفير ارقىلى كورەرمەندەرمەن بايلانىسقا شىعىپ، الەمدى جاۋلاعان كوروناۆيرۋسپەن كۇرەسۋدىڭ جولدارىن تۇسىندىرەدى.

باعدارلاما بارىسىندا كەز كەلگەن ادامنىڭ ستۋدياداعى +7 (7172) 75-71-71 نومىرىنە قوڭىراۋ شالىپ، سۇراعىنا جاۋاپ الۋعا مۇمكىندىگى بار. سونداي-اق ەل تۇرعىندارى +7 775 9073163, +7 775 9073159 WhatsApp نومىرلەرىنە الدىن الا بەينەساۋال جولداپ، تىكەلەي ەفير ۋاقىتىندا ءتيىستى ماماننىڭ كەڭەسىن الا الادى. ودان بولەك، دارىگەرلەرگە Skype-بايلانىس ارقىلى ساۋال قويۋ مۇمكىندىگى قاراستىرىلعان.

«پاندەميامەن كۇرەس باستالعالى ۇلتتىق ارنا حالىقتى اقپاراتتاندىرۋعا بارىنشا كۇش سالىپ كەلەدى. تىكەلەي ەفيردەگى «نيەت»، «اشىق الاڭ» باعدارلامالارى كۇن سايىن وسى تاقىرىپتا شىعىپ جاتىر، كارانتين كەزىندە «اشىق الاڭ» باعدارلاماسى كۇنىنە ەكى مەزگىل تىكەلەي ەفيردە بولدى. اقپاراتتىق باعدارلامالارىمىزدىڭ دا نەگىزگى تاقىرىبى  - وسى.

ال «تەلەدارىگەر» قازىر ەڭ قاجەتتى جوبا ەكەنى انىق. جان-جاقتان ءتۇسىپ جاتقان اقپارات اعىنى وتە جوعارى، بىراق اق-قاراسىن سارالاپ جاتقاندار از. باعدارلاما سۇراق-جاۋاپ فورماتىندا ۇيىمداستىرىلىپ، ستۋدياعا كەلگەن ماماندار ءبىر ساعات بويى تەك كورەرمەن تاراپىنان كەلىپ تۇسكەن ساۋالدارعا جاۋاپ بەرەدى. ياعني، ستۋديا قوناعى تەك دارىگەرلەر. تىكەلەي ەفيردە تەلەفون جەلىسى، WhatsApp مەسسەندجەرى، Skype سياقتى كەرى بايلانىس ورناتۋدىڭ بىرنەشە پلاتفورماسى قاراستىرىلعان.

ازىرگە باعدارلاما ۇزاقتىعى 1 ساعاتقا جوسپارلانعان، الداعى ۋاقىتتا ەفير ۋاقىتىن ۇزارتاتىن بولامىز»، - دەيدى «قازاقستان» رترك» اق باسقارما ءتورايىمىنىڭ ورىنباسارى يلحام يبراگيم.

جوبانىڭ نەگىزگى ماقساتى – ەل تۇرعىندارىنا، اسىرەسە شالعاي اۋىل-ايماقتاعى كورەرمەنگە قازىرگى كۇردەلى احۋالعا بايلانىستى كۇندەلىكتى مەديتسينالىق كەڭەس بەرۋ. دارىگەرلەر تىكەلەي ەفير بارىسىندا COVID-19 ۆيرۋسى مەن وزگە دە اۋرۋلاردان ساقتانۋ مەن الدىن الۋ شارالارى، ەمدەۋ تاسىلدەرى تۋرالى نۇسقاۋلىق بەرەدى.

باعدارلاما دۇيسەنبى-جۇما كۇندەرى 12:00-دە تىكەلەي ەفيردە شىعادى. جوبا تەلەەفيردەن بولەك، qazaqstan.tv سايتى مەن ۇلتتىق ارنانىڭ Facebook, You Tube جەلىلەرىندەگى پاراقشالارىنان تىكەلەي ترانسلياتسيالانادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593