بەيسەنبى, 13 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
1346 8 پىكىر 8 شىلدە, 2020 ساعات 13:21

باتالوۆ ەلورداداعى كارديولوگيالىق ورتالىققا جەتكىزىلدى

الماتى وبلىسىنىڭ اكىمى اماندىق باتالوۆ نۇر-سۇلتانداعى كارديولوگيالىق ورتالىقتا ەم الىپ جاتىر.

وبلىس اكىمىنىڭ ورىنباسارى باتىرجان بايجۇمانوۆ ونلاين-بريفينگ بارىسىندا وسىلاي دەپ مالىمدەدى. ونىڭ ايتۋىنشا، باتالوۆتىڭ قازىرگى ۋاقىتتاعى دەنساۋلىق جاعدايى جاقسارعان كورىنەدى.

- وزدەرىڭىز بىلەتىندەي، اماندىق عابباسۇلىدا كوروناۆيرۋس ءۇش اپتا بۇرىن انىقتالدى. ول ەمدەلدى، بىراق ەنتىگۋ مەن وكپەسىنە دەم جەتپەي، جۇرەگى قىسىلعانىنا بايلانىستى دارىگەرلەر ونى نۇر-سۇلتان قالاسىنداعى كارديولوگيالىق ورتالىققا جاتقىزۋ تۋرالى شەشىم قابىلدادى.

ول جەردە ەم الىپ جاتىر جاعدايى الدەقايدا جاقساردى. ول ۇنەمى سپورتپەن اينالىسادى، دەنساۋلىعى مىقتى. سوندىقتان جاقىن ارادا ول جازىلىپ، جۇمىسقا كىرىسەدى, - دەدى بايجۇمانوۆ.

22 ماۋسىمدا اماندىق باتالوۆتىڭ كوروناۆيرۋس جۇقتىرىپ، وقشاۋلانعانى حابارلانعان بولاتىن. وبلىس اكىمىنىڭ ءباسپاسوز حاتشىسى عالىمۇرات جۇكەل اماندىق عابباسۇلىنان ۆيرۋستىڭ سيمپتومسىز ءتۇرى انىقتالعانىن ايتقان.

- الماتى وبلىسىنىڭ اكىمى اماندىق باتالوۆ وقشاۋلاندى. وكىنىشكە قاراي، كوروناۆيرۋستى انىقتاۋعا تاپسىرعان سوڭعى پتسر-ساراپتاماسى وڭ ناتيجە كورسەتتى. كوروناۆيرۋس سيمپتومدارى بايقالمايدى, - دەپ جازعان ەدى ول.

Abai.kz

8 پىكىر