بەيسەنبى, 28 ناۋرىز 2024
3621 5 پىكىر 8 شىلدە, 2020 ساعات 10:17

بەلگىلى اكتەر دارحان دايىربەك قايتىس بولدى

قالىڭ كوپشىلىككە "تەرىسقاقپاي" تەاترى ارقىلى تانىلعان اكتەر دارحان دايىربەك قايتىس بولدى. بۇل تۋرالى تەاتر ديرەكتورى اسقار نايمانتاەۆ الەۋمەتتىك جەلىدە حابارلادى. 

«قايتەيىن-اي! الىستا بولىپ اڭىراپ، جىراقتا ءجۇرىپ جەر سيپاپ قالدىم-اۋ، اعايىن!
جانىم-وۋ، دارحان-وۋ، ەندى قايتەم!

تانىستىڭ ءبارىن جۇمىلدىرساق تا تىنىسىڭدى اشا المادىق قوي... جان دوسىڭ، سەرىگىڭ ۇلان كۇندىز ءتۇنى جوعىڭدى جوقتاپ، كەرگەگىڭدى جەتكىزسە دە اراشا بولا المادىق... سەنىڭ جۇتار بۇر جۇتىم سۋىڭ، تەرەڭ دەم الار اۋاڭ بولا المادىم...

قاباق شىتپاي قيىندىقتى جىميىپ جەڭۋشى ەدىڭ...
سەنىڭ قاتەلىگىڭدى دە قايتالاي المايمىز اۋ ەندى.
تەرىسقاقپايدىڭ دا قاتارى سوگىلدى حالقىم، ونى ەندى بۇتىندەي المايمىن...
باقۇل بول!» ،-
دەپ جازدى ول.

اكتەردىڭ قازاسى تۋرالى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ وكىلدەرى دە مالىمدەدى.

"ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭتەاتر ءارتيسى، كينو اكتەر - دارحان دايىربەكتى دە ارامىزدان جۇلىپ اكەتتى. ايتۋعا ءسوز جەتپەيدى، قابىرعامىز قايىسىپ وتىر.
1994 ج. ت.جۇرگەنوۆ اتىنداعى تەاتر جانە كينو ينستيتۋتىن ن.جاقىپبايدىڭ شەبەرلىك كلاسىنان ءبىتىرىپ، سول جىلدان ەڭبەك جولىن وسى، ءبىزدىڭ تەاتردان باستاعان; ەلگە دارا تالانتىمەن: "كۇلكى كەرۋەنى", "تەرىسقاقپاي" ءازىل-سىقاق تەاترلارى ارقىلى تانىلعان، اپتالداي ازامات، جارقىراعان جاقسى ادام، دارحان كوڭىلدى دارحانىمىز ەدى... امال نەشىك... باقۇل بولىڭىز!", - دەلىنگەن تەاتر حابارىندا.

ايتا كەتەيىك، دارحان دايىربەك 1969 جىلى تۋعان. قازاقستاننىڭ ەڭبەك سىڭىرگەن قايراتكەرى. "تەرىسقاقپاي" كومەديا تەاترىنىڭ ءارتىسى. وتاندىق بىرنەشە فيلمدە باستى رولدە ويناعان. "اكىم", "قۇدالار", "قازاقشا توناۋ", "سۇربويداق", "كەلينكا سابينكا-2", "بەس كۇندىك كۇيەۋ", "مەن كۇيەۋ بالامىن", ت.ب.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516