جۇما, 29 ناۋرىز 2024
2349 10 پىكىر 7 شىلدە, 2020 ساعات 13:41

كوروناۆيرۋسپەن كۇرەسۋ ءۇشىن رەسەيدەن دارىگەرلەر كەلدى

رەسەيلىك دارىگەرلەر COVID-19 كوروناۆيرۋس ينفەكتسياسىنا قارسى كۇرەسۋ بويىنشا كونسۋلتاتسيالىق-ادىستەمەلىك كومەك كورسەتەدى. بۇل تۋرالى strategy2050.kz سايتى حابارلادى. 

قازاقستان مەن رەسەي باسشىلىعى اراسىنداعى كەلىسىمدەردى جۇزەگە اسىرۋ اياسىندا نۇر-سۇلتان قالاسىنا رف دەنساۋلىق ساقتاۋ ءمينيسترىنىڭ ورىنباسارى ولەگ گريدنەۆ باستاعان 32 جەتەكشى مامان كەلەدى، بۇل دارىگەرلەر بۇرىن زەرتتەلمەگەن جاڭا ينفەكتسيامەن قارسى كۇرەس شارالارىنا تىكەلەي قاتىسقان.

"قازاقستاندىق جانە رەسەيلىك دارىگەرلەر ءوزارا تاجىريبە، ءبىلىم الماسۋدى داستۇرگە اينالدىرعان. قازىر بۇكىل الەمدە عالىمدار مەن دارىگەرلەر كوروناۆيرۋس ينفەكتسياسىن ەمدەۋدىڭ جاڭا تاكتيكالارى مەن ادىستەرىن زەرتتەپ، بەلسەندى تۇردە تاجىريبە الماسۋدا. مەديتسينالىق قوعامداستىقتىڭ ىنتىماقتاستىعى مەن ەكى ەلدىڭ جوعارى باسشىلىعى اراسىنداعى كەلىسىمنىڭ ارقاسىندا رەسەيلىك جانە قازاقستاندىق دارىگەرلەردىڭ تاجىريبە الماسۋعا مۇمكىندىگى بار. ءبىز ارىپتەستەرىمىزدى قازاقستاندا   قۋانا قارسى الامىز",- دەدى قر دەنساۋلىق ساقتاۋ ءمينيسترىنىڭ ءبىرىنشى ورىنباسارى مۇرات شورانوۆ.

ماسكەۋلىك دارىگەرلەر دەلەگاتسياسى مەديتسينالىق ۇيىمدارعا پراكتيكالىق قولداۋ كورسەتەدى.

دارىگەرلەردىڭ اراسىندا ينفەكتسيونيست، رەانيماتولوگ، انەستەزيولوگ-رەانيماتولوگ، ەپيدەميولوگ، پۋلمونولوگتار بار.

رەسەي ماماندارىنان قۇرالعان بريگادا نۇر-سۇلتان قالاسىنداعى مەديتسينالىق ۇيىمداردى ارالايدى:

1) نۇر-سۇلتان قالاسىنداعى كوپبەيىندى مەديتسينالىق ورتالىق (ينفەكتسيالىق بلوك);

2) نۇر-سۇلتان قالاسى اكىمدىگىنىڭ كوپبەيىندى قالالىق جۇقپالى اۋرۋلار ورتالىعى;

3) نۇر-سۇلتان قالاسى اكىمدىگىنىڭ №3 كوپبەيىندى قالالىق بالالار اۋرۋحاناسى;

4) "نۇر-سۇلتان قالاسى اكىمدىگىنىڭ №1 كوپسالالى قالالىق اۋرۋحاناسى (اكۋشەرلىك بلوك).

سونداي-اق، رەسەيلىك ارىپتەستەردى اسا مۇقتاج وڭىرلەرگە جىبەرۋ جوسپاردا بار، - دەلىنگەن ۆەدومستۆونىڭ ءباسپاسوز مالىمدەمەسىندە.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593