بەيسەنبى, 13 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
1321 1 پىكىر 5 شىلدە, 2020 ساعات 18:32

تەكەلىدە بيىكتىگى 25 مەترلىك تۋتۇعىر ورناتىلدى

ەلوردا كۇنى قارساڭىندا تەكەلى قالاسىندا بيىكتىگى 25 مەتر تۋتۇعىر بوي كوتەردى. جوبا «جۇمىسپەن قامتۋدىڭ جول كارتاسى – 2020» باعدارلاماسى اياسىندا جۇزەگە اسقان. تاۋەلسىزدىك الاڭىندا ورناتىلعان مەملەكەتتىك تۋدى جاس سپورتشى، الەم چەمپيونى اكرانبەك اسەمايعا بۇيىردى. شارادا قالا اكىمى باقتيار ونەرباەۆ تەكەلى حالقىن مەرەكەمەن قۇتتىقتاپ، جىلى لەبىزىن ءبىلدىردى.

«مەملەكەتتىك رامىزدەر – ەلدىك پەن ەگەمەندىكتىڭ، بىرلىك پەن بيلىكتىڭ نىشانى. ولاردى دارىپتەۋ ءىسىن جاڭا دەڭگەيگە كوتەرۋ – يدەولوگيالىق جۇمىستىڭ ماڭىزدى مىندەتتەرىنىڭ ءبىرى. شاھارىمىزدا تۋتۇعىردىڭ بوي كوتەرۋى، تەكەلى قالاسى تۇرعىندارىنىڭ ەلوردا كۇنىنە قوسقان وزدەرىنىڭ ۇلەسى. ءبىز جىلدا بۇل مەرەكەگە ەرەكشە دايىندالامىز، ەرەكشە اتاپ وتەمىز. وسى مۇمكىنشىلىكتى پايدالانا وتىرىپ، مەن قالا تۇرعىندارىن، جەتىسۋلىقتاردى، قازاقستان حالقىن مەرەكەمىز ەلوردا كۇنىمەن شىن جۇرەكتەن قۇتتىقتايمىن!»، - دەدى باقتيار ونەرباەۆ.

ايتا كەتۋ كەرەك، تەكەلى قالاسىندا «جۇمىسپەن قامتۋدىڭ جول كارتاسى» اياسىندا 13 جوبا قولعا الىنعان. باعدارلامانى جۇزەگە اسىرۋ ءۇشىن  1 ملرد 837 ملن 10 مىڭ تەڭگە قاراجات بولىنگەن. ونىڭ ونى اياقتالۋعا جاقىن. ال، ەكەۋى بۇگىن قولدانىسقا بەرىلدى.

ەلوردا كۇنىنە وراي  پايدالانۋعا بەرىلگەن ەكىنشى نىسان – سپورتتىق ويىن الاڭى. وسىنداي فۋتبول الاڭى رۋدنىي اۋىلىندا اشىلادى دەپ جوسپارلانۋدا. جالپى، شاھاردا «جۇمىسپەن قامتۋدىڭ جول كارتاسى – 2020» باعدارلاماسىن جۇزەگە اسىرۋ ءۇشىن 214 ادام جۇمىسقا تارتىلۋى ءتيىس. قازىر تەڭ جارتىسى قالالىق جۇمىسپەن قامتۋ ورتالىعى ارقىلى جۇمىسقا الىنىپ، اتالعان نىسانداردا ەڭبەك ەتىپ جاتىر.

ايمان اسىل

 Abai.kz

1 پىكىر