بەيسەنبى, 13 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
1411 8 پىكىر 2 شىلدە, 2020 ساعات 15:45

نۇرسۇلتان نازارباەۆ كوروناۆيرۋستان جازىلىپ شىقتى

Covid-19-عا قاتىستى قايتادان تەست (ساراپتاما) تاپسىرعان ەلباسىنان كوروناۆيرۋس انىقتالعان جوق. بۇل تۋرالى ن. نازارباەۆتىڭ ءباسپاسوز حاتشىسى تۆيتتەر جەلىسىندە جازدى.

“سىزدەرگە ايتار جاقسى جاڭالىعىم بار. ەلباسىنىڭ كۆي تاپسىرعان تەست سىناماسى تەرىس ناتيجەسى كورسەتتى. نازارباەۆ دارىگەرلەر كەڭەسىنە قۇلاق اسىپ، وقشاۋلانۋ رەجيمىن ءالى دە ساقتايتىن بولادى. قاشىقتان جۇمىس ىستەپ، تازا اۋادا ءجيى-ءجيى سەرۋەندەۋدى جوسپارلاپ وتىر”، – دەپ جازدى ايدوس ۇكىباي.

ەستەرىڭىزگە سالا كەتەيىك، 18 ماۋسىم كۇنى قازاقستاننىڭ بۇرىنعى پرەزيدەنتى نۇرسۇلتان نازارباەۆتان كوروناۆيرۋس انىقتالىپ، ول وقشاۋلانىپ جاتىپ، ەم قابىلداعان. سول كەزدە نازارباەۆتىڭ ۆيرۋس جۇقتىرۋىنىڭ سەبەبى - ۆيرۋس جۇقتىرعان بۇرىنعى دەنساۋلىق ساقتاۋ ءمينيسترى ەلجان بىرتانوۆپەن بايلانىستا بولعانى دەپ ايتىلدى. ال 25 ماۋسىم كۇنى ەلجان امانتايۇلى سىرقاتىنىڭ اسقىنۋىنا بايلانىستى ءوز ەركىمەن قىزمەتىنەن كەتۋگە ءوتىنىش جازعان. ال ونىڭ ورنىنا دەنساۋلىق ساقتاۋ ءمينيسترى بولىپ الەكسەي تسوي تاعايىندالعان.

ايتا كەتەيىك، 6 شىلدە كۇنى نۇرسۇلتان نازارباەۆ 80 جاسقا تولادى. ول قازاقستاندى تاۋەلسىزدىك العان 1991 جىلدان بەرى  باسقاردى. 2019 جىلى ءوز قالاۋىمەن وتستاۆكاعا كەتەتىنىن مالىمدەدى. 

Abai.kz

8 پىكىر