جۇما, 14 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
2421 1 پىكىر 30 ماۋسىم, 2020 ساعات 13:45

مينيستر: كۇنىنە 2,5 مىڭ ادامنان پنەۆمونيا انىقتالىپ جاتىر

ەلىمىزدە تاۋلىگىنە 2,5 مىڭ ادامنان پنەۆمونيا انىقتالىپ جاتىر. بۇل تۋرالى قر دەنساۋلىق ساقتاۋ ءمينيسترى الەكسەي تسوي ايتتى.

«10 ماۋسىمنان باستاپ پنەۆمونيانىڭ ايتارلىقتاي ورشىگەنىن بايقاپ وتىرمىز. كوۆيد بەلگىلەرى ايقىن كورىنگەنىمەن پتر تەستىلەۋلەرى باسقاشا ناتيجە كورسەتكەندەر – پنەۆمونيا انىقتالعاندار كوبەيدى. وتكەن ەكى كۇندە كۇن سايىن 2,5 مىڭ ادامنان پنەۆمونيا انىقتالىپ وتىر»، - دەدى مينيستر.

وسىعان دەيىن مينيستر تسوي وكق-دا وتكەن ءباسپاسوز ءماسليحاتىندا بىرقاتار مالىمدەمە جاساعان. سونىڭ ءبىرى – كوروناۆيرۋس ينفەكتسياسىنان قايتىس بولعانداردى جەرلەۋ ەرەجەلەرى وزگەرتىلدى. ەندى ولاردى كەز كەلگەن بەيىتكە جەرلەۋگە بولاتىنى ايتىلدى.

سونداي-اق، تاعى ءبىر ماڭىزدى ماسەلە، سوڭعى كەزدە قىزۋ تالقىلانىپ جاتقان كارانتيندى كۇشەيتۋگە قاتىستى دا ءسوز بولدى. ءمينيستردىڭ ايتۋىنشا، كارانتيندى كۇشەيتۋ تۋرالى ناقتى شەشىمدى تاياۋدا مەملەكەتتىك كوميسسيا قابىلدايدى.

Abai.kz

1 پىكىر