بەيسەنبى, 13 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
1415 3 پىكىر 30 ماۋسىم, 2020 ساعات 13:06

يران ينتەرپولدان ترامپقا حالىقارالىق ىزدەۋ جاريالاۋدى سۇرادى

تەگەران گەنەرال كاسەم سۋلەيمانيدىڭ ولىمىنە بايلانىستى اقش پرەزيدەنتى دونالد ترامپتى قاماۋعا الۋ تۋرالى بۇيرىق شىعاردى. يران پروكۋراتۋراسى ينتەرپولعا ءوتىنىش ايتىپ، ترامپقا حالىقارالىق ىزدەۋ جاريالاۋدى تالاپ ەتكەن.

اقش پرەزيدەنتىمەن بىرگە تىزىمدە 35 ادام بار. يران بيلىگى ولاردى سۋلەيمانيدىڭ ولىمىنە قاتىسى بار دەپ ەسەپتەپ، كىسى ءولتىردى جانە تەرروريزم ءۇشىن دەپ ايىپتاپ جاتىر.

ينتەرپول بۇعان قاتىستى "ساياسي، اسكەري، ءدىني جانە ناسىلدىك تۇرعىدان ءىس-ارەكەتتەرگە بارمايتىنىن" جاريالاعان.

اق ءۇي تەگەران مالىمدەمەسىنە قاتىستى ءالى پىكىر بىلدىرمەدى.

يراننىڭ جوعارى دارەجەلى گەنەرالى كاسەم سۋلەيماني جىل باسىندا باعداد جانىندا اۋە سوققىسىنان قازا تاپتى. تەگەران جاۋاپ رەتىندە اقش-تىڭ يراكتاعى اسكەرى ورنالاسقان بازانى بومبالادى.

Abai.kz

3 پىكىر