تاۋەلسىز قازاقستاننىڭ ءبىرىنشى پرەزيدەنتى نۇرسۇلتان نازارباەۆ كوروناۆيرۋس جۇقتىردى. بۇل تۋرالى اقپاراتتى «Elbasy.kz» سايتى تاراتتى.

«قازىرگى ۋاقىتتا قازاقستاننىڭ تۇڭعىش پرەزيدەنتى وقشاۋلاندى. وكىنىشكە قاراي، ەلباسىنىڭ كوروناۆيرۋستى انىقتاۋعا تاپسىرعان سوڭعى ساراپتاماسى «وڭ» ناتيجە كورسەتتى. الاڭداۋعا سەبەپ جوق. نازارباەۆ قاشىقتان جۇمىس ىستەپ جاتىر»، - دەلىنگەن حابارلامادا.

ەستەرىڭىزگە سالا كەتەيىك، بۇعان دەيىن قر دەنساۋلىق ساقتاۋ ءمينيسترى ەلجان ءبىرتانوۆ ءوزىنىڭ ۆيرۋس جۇقتىرعانى تۋرالى حابارلاعان بولاتىن. 14 ماۋسىمدا.

كەيىن، ۇكىمەت باسشىسى اسقار مامين باستاپ، ءبىر توپ مينيستر كارانتينگە كەتكەن بولاتىن.

قازىر ۆيرۋس بەلگىلەرى انىقتالعان نەمەسە تەست تاپسىرعان، ساقتىق ءۇشىن وقشاۋلانىپ جاتقان شەندىلەر:

بەرىك ءۋالي (قر پرەزيدەنتىنىڭ ءباسپاسوز حاتشىسى) - ۆيرۋس انىقتالدى،

اسقار مامين (قر پرەمەر-ءمينيسترى) - كارانتيندە،

ەلجان ءبىرتانوۆ (قر دەنساۋلىق ساقتاۋ ءمينيستىرى) - ۆيرۋس انىقتالدى،

اسحات ايماعامبەتوۆ (قر ءبىلىم جانە عىلىم ءمينيسترى) - كارانتيندە،

ساپارحان وماروۆ (قر اۋىل شارۋاشىلىق ءمينيسترى) - كارانتيندە،

ماعزۇم مىرزاعاليەۆ (قر ەكولوگيا، گەولوگيا جانە تابيعي رەسۋرستار ءمينيسترى) - كارانتيندە،

نۇرلان ەرمەكباەۆ (قر قورعانىس ءمينيسترى) - كارانتيندە،

نۇرلان نىعماتۋلين ء(ماجىلىس توراعاسى) - ۆيرۋس انىقتالدى،

بەكبولات تىلەۋحان ء(ماجىلىس دەپۋتاتى) - ۆيرۋس انىقتالدى،

بەردىبەك ساپارباەۆ (جامبىل وبلىسىنىڭ اكىمى) - كارانتيندە.

بۇل قاتارعا بۇگىن قر قارجى ءمينيسترى ەرجان جاماۋباەۆ تا قوسىلعان. ونىڭ تەست سىنامالارى شىعىپ، ۆيرۋس بەلگىلەرى انىقتالعان.

Abai.kz