جەكسەنبى, 5 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
1476 13 پىكىر 4 ماۋسىم, 2020 ساعات 14:23

توقاەۆقا سوعىس جاعدايىندا قوسىمشا وكىلەتتىكتەر بەرىلەدى

پرەزيدەنتكە سوعىس جاعدايىندا قوسىمشا وكىلەتتىكتەر بەرىلەدى، - دەپ حابارلايدى اzattyq-ruhy سايتى.

سەناتتا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوعىس جاعدايى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى.

وتىرىستا قر قورعانىس ءمينيسترىنىڭ ءبىرىنشى ورىنباسارى مۇرات بەكتانوۆ بايانداما جاساپ، سوعىس جاعدايىندا پرەزيدەنتكە قوسىمشا وكىلەتتىكتەر بەرۋ باستاماسىن ۇسىندى.

«زاڭ جوباسىنىڭ ماقساتى –مەملەكەتتى زاماناۋي قاۋىپ-قاتەرلەر مەن سىن-قاتەرلەر جاعدايىندا قورعانىسقا دايىنداۋ ماسەلەلەرى جونىندەگى زاڭنامانى ودان ءارى جەتىلدىرۋ. زاڭ جوباسىمەن جۇمىس بارىسىندا جوعارى ءبىلىم بەرۋ ۇيىمدارىنىڭ اسكەري كافەدرالارىندا ستۋدەنتتەردى زاپاستاعى سەرجانتتار باعدارلاماسى بويىنشا دايارلاۋ، ولاردىڭ اسكەري انت قابىلداۋى ماسەلەلەرىنە قاتىستى تۇزەتۋلەر بار»، - دەدى مۇرات بەكتانوۆ.

سەناتورلار قازاقستان قارۋلى كۇشتەرى قۇرامى الەمدە بولىپ جاتقان وزگەرىستەرگە بەيىمدەلىپ قانا قويماي، ولاردىڭ الدىن الۋعا دايىن بولۋ باعىتىندا جۇمىس ىستەۋ كەرەك ەكەنىن اتاپ ءوتتى.

زاڭ جوباسىنىڭ باستى جاڭالىعى:

1. وڭىرلەردە قورعانىس كەڭەستەرىن قۇرۋ - بۇل ءوز كەزەگىندە جەرگىلىكتى اتقارۋشى ورگانداردىڭ جاۋاپكەرشىلىگىن ارتتىرادى.

2. جوعارى وقۋ ورىندارىندا اقىلى نەگىزدە زاپاستاعى سەرجانتتاردى دايارلاۋ - بۇل جۇمىلدىرۋ رەزەرۆىن نىعايتۋ قاجەتتىلىگىنەن تۋىنداپ وتىر.

زاڭ جوباسىن قابىلداۋ مەملەكەتتىك ورگانداردىڭ اسكەري قاۋىپسىزدىك پەن قورعانىستى قامتاماسىز ەتۋدەگى جۇمىسىن ۇيىمداستىرۋعا، مەملەكەتتىك ورگاندار مەن جەكەلەگەن اۋماقتاردى سوعىس جاعدايى مەن سوعىس ۋاقىتى رەجيمىنە تەز ارادا كوشىرۋدى قامتاماسىز ەتۋگە، ولاردىڭ جۇمىسىن جەدەل ۇيىمداستىرۋعا مۇمكىندىك بەرەدى.

«اسكەري رەزەرۆتى تولىقتىرۋ ماقساتىندا اسكەري كافەدرادا اقىلى نەگىزدە زاپاستاعى سەرجانتتى دايارلاۋ ۇسىنىلادى. ءبىلىم تۋرالى زاڭعا، جوعارعى ءبىلىم بەرۋ ۇيىمىنا وسى باعدارلاما بويىنشا اقىلى نەگىزدە زاپاستاعى سەرجانتتى دايارلاۋ ۋاكىلەتتىلىگىن بەرۋ تۋرالى تولىقتىرۋ ۇسىنىلادى»، - دەدى قورعانىس ءمينيسترىنىڭ ءبىرىنشى ورىنباسارى مۇرات بەكتانوۆ.

Abai.kz

13 پىكىر