قۇراما شتاتتار 2011 جىلدان بەرى العاش رەت عارىشعا ادام ۇشىرىپ وتىر. عارىش كەمەسىنىڭ ءساتتى ۇشىرىلۋىنا ارنالعان ءباسپاسوز كونفەرەنتسياسىندا ماسك: "باتۋتتىڭ پايدا بار", – دەپ ازىلدەگەن.

2014 جىلى اقش رەسەيگە قارسى سانكتسيا ەنگىزگەن ۋاقىتتا، روگوزين امەريكالىق عارىشكەرلەردى حالىقارالىق عارىش ستانتسياسىنا جەتكىزۋدەن رەسەي باس تارتۋى مۇمكىن ەكەنىن ايتىپ، ولارعا بابۋتتىڭ كومەگىنە جۇگىنۋگە كەڭەس بەرگەن.

53 جاستاعى داگلاس حيورلي مەن 40 جاستاعى روبەرت بەنكەن حالىقارالىق عارىش ستانتسياسىندا كەمىندە 30 كۇن بولادى.

Crew Dragon - NASA-عا ارناپ شىعارىلعان ۇشقىشپەن باسقارىلاتىن جالعىز عارىش كەمەسى ەمەس. كۇزدە Boeing كورپوراتسياسىنىڭ بالاما Starliner كەمەلەرى ۇشىرىلۋى ءتيىس. 2019 جىل جەلتوقسان ايىنداعى ءساتسىز سىناقتان سوڭ كەلەسى كەمە ۇشقىشسىز باسقارىلماق.

NASA جوسپارىنا سايكەس، Crew Dragon مەن Starliner 20 عاسىردىڭ 60-جىلدارى شىعارىلعان رەسەيلىك "سويۋز" كەمەلەرىن الماستىرۋى ءتيىس. 2011 جىلدان بەرى قازاقستان تەريتورياسىنداعى بايقوڭىر ايلاعىنان ۇشىرىلىپ جۇرگەن رەسەيلىك "سويۋز" كەمەلەرى امەريكالىق استروناۆتارعا حالىقارالىق عارىش ستانتسياسىنا جەتۋدىڭ جالعىز جولى بولعان.

Abai.kz