دۇيسەنبى, 6 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
نە دەيدى؟! 1433 15 پىكىر 30 مامىر, 2020 ساعات 14:35

140 ملرد دوللار. بۇل – وففشورداعى اقشا...

2015-2019 جىلدىڭ ارالىعىندا قارجى مينيسترلىگىنىڭ نۇسقاۋىمەن شەتەل اسقان اقشاعا قاتىستى 238 قىلمىستىق ءىس قوزعالىپتى. سولاردىڭ اراسىندا تەك ۇشەۋى عانا سوتقا جەتكەن. بۇل تۋرالى سەنات دەپۋتاتى ولگا پەرەپەچينا دەپۋتاتتىق ساۋال جولدادى.

سونىمەن، دەپۋتات كەلتىرگەن دەرەككە كوز جۇگىرتەيىك:

قر قارجى مينيسترلىگى، قارجى مونيتورينگى كوميتەتىنىڭ ەكونوميكالىق تەرگەۋ قىزمەتى ۇلتتىق نەمەسە شەتەلدىك ۆاليۋتالاردى رەپاترياتسيالاۋ تالاپتارىن ورىنداماعانى ءۇشىن 2015-2019 ارالىعىندا ۇزىن-ىرعاسى 238 ءىس قوزعاعان. ياعني، سوتقا دەيىنگى تەرگەۋدىڭ بىرىڭعاي رەەسترىنە وسىنشا ءىس تىركەلگەن.

2015 جىلى – 75,

2016 جىلى – 83,

2017 جىلى – 16,

2018 جىلى – 41,

2019 جىلى – 23.

وسى 238 ءىستىڭ تەك 3-ەۋى عانا سوتقا جەتكەن.

«شامامەن 170 ءىس قىلمىستىق قۇرامى دالەلدەنبەگەندىكتەن توقتاتىلدى. ءيا، اقشانىڭ شەتەل اسقانى انىق. الايدا، قازاقستاننىڭ زاڭى بويىنشا بۇل قۇقىق بۇزۋ دەپ تابىلمايدى»، - دەپتى پەرەپەچينا.

ال سوتقا دەيىن جەتكەن ءۇش قىلمىستىق ءىس بويىنشا اقشانى كەرى قايتارۋ قاراستىرىلماپتى، سەبەبى قىلمىستىق-پروتسەسسۋالدىق كودەكستە اقشانى كەرى قايتارۋ تۋرالى تالاپ جوق ەكەن.

«Tax Justice Network» حالىقارالىق ۇيىمىنىڭ دەرەگىنشە، سوڭعى 20 جىلدا قازاقستاننان شىعارىلعان كاپيتال كولەمى 140 ميلليارد دوللاردى قۇراپتى. بۇل تەك قانا وففشورلىق ايماقتارعا شىعارىلعان اقشا سوماسى ەكەن.

دەپۋتاتتىڭ سوزىنشە، قانشا قىلمىستىق ءىس قوزعالسا دا، شەتەلگە شىعارىلعان قاراجاتتان قازاقستانعا كوك تيىن دا قايتپاعان.

وسى مالەسەنى ءسوز ەتكەن دەپۋتات پەرەپەچينا ۇكىمەتباسى مامين مەن باس بانكير دوساەۆقا ساۋال جولداپتى.

«قازىرگى قولدانىستاعى زاڭ سىرتقا اعىلعان كاپيتالدى ەلگە قايتارۋعا قاۋقارسىز. بۇل تاراپتا ناقتى تالداۋ جۇرگىزىپ، ەكونوميكالىق زەرتتەۋ جاساۋ قاجەت. قازاقستاندا قىرۋار اقشانى زاڭدى تۇردە شەتەلگە الىپ شىعاتىن سان ءتۇرلى جولدار بار. ءتىپتى قاراجاتتى زاڭسىز الىپ شىققانى دالەلدەنسە دە، ونى شەتەلدەن كەرى قايتاراتىن تالاپتار قولدانىستاعى زاڭدا قاراستىرىلماعان.

جالپى ۇكىمەتتىڭ كاپيتالدى كەرى قايتارۋعا قاتىستى نە بىلگەنى بار؟ مۇنىمەن ناقتى قاي مەملەكەتتىك ورگاننىڭ اينالىساتىنىن انىقتاپ الۋ قاجەت»، - دەيدى سەناتور.

ايتا كەتەيىك، 2016 جىلى پاناما وففشورلارىنىڭ ءتىزىمى جاريالانىپ، وندا سول كەزدەگى داريعا نازارباەۆا، ەرلان ساعاديەۆ باستاعان بىرقاتار قازاقستاندىق شەنەۋنىكتىڭ اتى اتالعان ەدى.

بۇل ماسەلە جونىندە وتكەن جىلى ازات پەرۋاشەۆ پرەمەر-مينيستر اسقار مامين مەن باس پروكۋرور عيزات نۇرداۋلەتوۆتىڭ اتىنا دەپۋتاتتىق ساۋال جولداعان بولاتىن. ونىڭ ايتۋىنشا، قازاقستاننان 167 ملرد. دوللار زاڭسىز شىعارىلىپ، وففشورلارعا جاسىرىلعان.

ال بيىل ازات پەرۋاشەۆ وففشورعا كەتكەن اقشانى قايتارۋ ءۇشىن بۇۇ توبىنا «اق جول» وكىلدەرىن قوسۋدى ۇسىنعان بولاتىن.

Abai.kz

15 پىكىر