جۇما, 29 ناۋرىز 2024
4582 8 پىكىر 29 مامىر, 2020 ساعات 18:56

وزبەكستان: ساردوبا سۋ قويماسىنىڭ جارىلۋىنا جىرتقىش بالىقتار سەبەپ بولۋى مۇمكىن

وزبەكستاندا ساردوبا سۋ قويماسىنداعى اپات سالدارىنا بايلانىستى تەرگەۋشىلەر "جايىن بالىعى بوگەتتى بۇزۋى مۇمكىن" دەگەن بولجامنىڭ ءبىرىن قاراپ جاتىر.

سەبەبى، بوگەت بۇزىلىپ سۋ قازاقستان اۋماعىنا قاراي تاسىعان كورىنىستەر تۇسىرىلگەن ۆيدەولاردان ءىرى بالىقتاردىڭ اعىپ جاتقانىن كورۋگە بولادى.

وزبەكستان مەملەكەتتىك قاۋىپسىزدىك قىزمەتى (سگب) تەرگەۋشىلەرى سۋ قويماسىنا جايىن بالىقتارىن كىم جىبەرگەنى جايىندا سۇراپ جاتىر. بۇل جونىندە سۇراۋعا شاقىرىلعانداردىڭ ءبىرى حابارلادى.

"ۋزبەكيستون تەمير يۋللاري" كومپانياسىنا قارايتىن ساردوبا سۋ قويماسىنىڭ وكىلدەرى سۋعا ءىرى بالىقتار جىبەرىلگەنىن راستادى. بىراق ول بوگەتتىڭ جارىلۋىنا جايىندار سەبەپ بولدى دەگەن پىكىرمەن كەلىسپەيدى.

"نەگىزىنەن كاسىپكەرلەرگە سۋ قويماسىنا بالىق جىبەرۋگە رۇقسات ەتىلمەگەن. "ۋزبەكيستون تەمير يۋللاري" باسشىلارى سۋعا بالىق جىبەردى. ولار تاشكەنتتىڭ جوعارى لاۋازىمدى شەنەۋنىكتەرىن، شەتەلدەن كەلگەن قوناقتاردى سۋ قويماسىنا اپارىپ، بالىق اۋلاتادى", – دەيدى بۇل ءىستى جاقسى بىلەتىن شەنەۋنىكتىڭ ءبىرى.

ونىڭ ايتۋىنشا، ەگەر تەرگەۋ ءىسى "جايىن بالىقتارى كىنالى" دەپ تاپسا، وندا اپاتتىڭ ناقتى سەبەپتەرى سول كۇيى اشىلماي قالۋى مۇمكىن.

1 مامىردا تاڭەرتەڭگىسىن ساردوبا سۋ قويماسى جارىلىپ، اپات ورىن الدى. اپات ايماعىنان 70 مىڭ ادام كوشىرىلىپ، 6 كىسى قازا تاپتى.

ساردوبا سۋ قويماسى قۇرىلىسىنا مەملەكەتتىك بيۋدجەتتەن 404,4 ملن دوللار بولىنگەن.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577