جەكسەنبى, 5 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
494 0 پىكىر 29 مامىر, 2020 ساعات 12:03

ەو ساراپشىلارى شەكارا جابۋدان تيىمدىلىك كورىپ تۇرعان جوق

اۋرۋلاردىڭ الدىن الۋ جانە باقىلاۋ بويىنشا ەۋروپا ورتالىعى كوروناۆيرۋس ينفەكتسياسىنىڭ تارالۋىنا قارسى كۇرەسۋ ءۇشىن شەكارالاردى جابۋدىڭ ناتيجەلىگىنەن كۇمان كەلتىرەدى.

ورتالىقتىڭ ساراپشىلارى شەكارالاردىڭ جابىلۋى ەكونوميكاعا تەرىس اسەرىن تيگىزىپ، ال ەپيدەميانىڭ جايىلۋىن تەك ءبىراز ۋاقىتقا كەيىنگە شەگەردى دەپ سانايدى.

ورتالىقتىڭ بۇل مالىمدەمەسى ەۋروپا وداعىنا مۇشە ەلدەردىڭ شەكارالارىن قايتا اشۋ ماسەلەسىن تالقىلاپ جاتقان كەزدە جاريالاندى.

ساۋىردە ەۋروپالىق كوميسسيا ۆيرۋس جۇقتىرىپ الۋ تاۋەكەلى جوعارى بولعان ەلدەر اراسىنا ەنگىزىلگەن شەكتەۋدى جەڭىلدەتۋدى ۇسىنعان.

سەيسەنبى كۇنى يسپانيا ەۋروپالىق وداققا مۇشە ەلدەردى شەنگەن ايماعىنداعى شەكارالاردى اشۋ ءۇشىن ارنايى ەرەجەلەر ازىرلەۋگە شاقىرعان.

گەرمانيا بيلىگى 15 ماۋسىمنان كەيىن ەۋروپانىڭ 31 ەلىنە بارۋعا ەنگىزىلگەن شەكتەۋدى الىپ تاستاۋدى جوسپارلاپ جاتقانىن جەتكىزگەن. چەحيا مەن دانيا بولسا بىرقاتار شەكارا بەكەتتەرىندەگى باقىلاۋدى جەڭىلدەتەتىنىن بىلدىرگەن.

Abai.kz

0 پىكىر