سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
761 0 پىكىر 28 مامىر, 2020 ساعات 12:47

پرەزيدەنت احمەتجان ەسىموۆتى قابىلدادى

قازاقستان پرەزيدەنتى «سامۇرىق-قازىنا» ۇاق» اق باسقارما توراعاسى احمەتجان ەسىموۆتى قابىلدادى.

مەملەكەت باسشىسىنا كومپانيالار توبىنداعى قازىرگى احۋال تۋرالى باياندالدى. احمەتجان ەسىموۆتىڭ ايتۋىنشا، داعدارىس پەن كارانتين كەزەڭى باستالعالى بەرى «سامۇرىق-قازىنا» كومپانيالار توبىنا قاراستى ءوندىرۋشى كاسىپورىنداردا جۇمىس ورىندارىن قىسقارتۋعا، ەڭبەكاقىنى كەشىكتىرۋگە جول بەرىلمەگەن.

قور مەن كومپانيالار توبىنىڭ قارجىلىق ورنىقتىلىعىن كۇشەيتۋ جونىندەگى بۇعان دەيىن جۇرگىزىلگەن شارالار وتكەن جىلداردا جينالعان سىرتقى قارىزدى 8 ميلليارد دوللارىنا ازايتۋعا مۇمكىندىك بەردى. بۇل 1 تريلليون تەڭگە كولەمىندە قارجى شىعىنىنىڭ الدىن الۋعا مۇمكىندىك بەردى. سونىمەن قاتار كولەمى 1 ميلليارد دوللارى بولاتىن كۇردەلى ءارى وپەراتسيالىق شىعىندار وڭتايلاندىرىلدى.

قور قاسىم-جومارت توقاەۆتىڭ ساتىپ الۋ جۇيەلەرى ارقىلى ەل ەكونوميكاسىنا قولداۋ كورسەتۋ جونىندەگى تاپسىرمالارىن ورىندايدى. بيىل جىل باسىنان بەرى «سامۇرىق-قازىنا» كومپانيالار توبى 250 مىڭعا جۋىق ادام جۇمىس ىستەيتىن وتاندىق كاسىپورىندارعا 9 مىڭ تاپسىرىس بەرگەن. بۇدان بولەك قازاقستاندىق كاسىپورىنداردى قولداۋ جانە جاڭا ءوندىرىس ورىندارىن اشۋ باعدارلاماسى جۇزەگە اسىرىلىپ جاتىر.

كەزدەسۋدە احمەتجان ەسىموۆ قاسىم-جومارت توقاەۆقا جەكەشەلەندىرۋ باعدارلاماسىنىڭ جۇزەگە اسىرىلۋ بارىسى تۋرالى ەسەپ بەردى.

Abai.kz

0 پىكىر