جۇما, 29 ناۋرىز 2024
4628 8 پىكىر 28 مامىر, 2020 ساعات 12:30

پرايمەريز فورماتى جاڭاشىل ازاماتتاردى ىرىكتەيدى

«Nur Otan» پارتياسى پرايمەريز وتكىزۋ ارقىلى پارتيا جۇمىستارىن قايتا جانداندىرادى. پرايمەريز – پارتياىشىلىك تاڭداۋ. الەمنىڭ جەتەكشى ەلدەرىندە بۇل تاجىريبە قولدانىسقا ەنگەن. اتاپ ايتساق، پرايمەريز وتكىزۋ تاجىربيەسى ەۋروپا، ازيا مەن لاتىن امەريكا ەلدەرىندە بار. پارتيا ىشىندەگى سايلاۋ باسەكەلەستىكتى ارتتىرىپ، جاڭاشىل ازاماتتاردىڭ ىرىكتەلۋىنە جاعداي تۋعىزادى. بۇل ەڭ الدىمەن پارتيانىڭ الىس ايماقتارداعى، وڭىرلەردەگى مۇشەلەرىنە مۇمكىندىك بەرەدى. پرايمەريز ەلدىڭ دامۋىنا مۇددەلى، جىگەرلى، پاتريوت ازاماتتار ءۇشىن جاڭا «الەۋمەتتىك ليفت». 

«Nur Otan» پارتياسى پرايمەريز تاسىلىنە العاش رەت جۇگىنىپ وتىر. بۇل ءوز كەزەگىندە جەتەكشى پارتيانىڭ ساياسي بەلسەندىلىگىن ارتتىرىپ، قوعام تالاپتارىنا ساي وزگەرىپ، ناقتى رەفورمالار جاساۋعا سەپ بولادى. 

جاڭا ءادىس قوعامدى دەموكراتيالاندىرۋ جولىنداعى ماڭىزدى قادام بولارى انىق. پرايمەريزدىڭ ارقاسىندا ەلدىڭ ساياسي ارەناسىندا جاڭا فورماتسيا پايدا بولۋى ءتيىس.

«Nur Otan» پارتياسىنىڭ پرايمەريز وتكىزۋدى كوروناۆيرۋس ىندەتىنىڭ تارالۋىنا بايلانىستى كەيىنگە شەگەرگەن بولاتىن.  پارتيالىق ىرىكتەۋ ەلدەگى احۋالعا وراي «ونلاين رەجيمدە» ۇيىمداستىرىلماق. وعان پارتيانىڭ تەحنيكالىق مۇمكىندىكتەرى جەتكىلىكتى.

پرايمەريز ازاماتتىق قوعامنىڭ قالىپتاسۋىنا، ساياسي ۇيىمدار مەن حالىقتىڭ جاقىنداي تۇسىنە ىقپال ەتەدى. پارتيالاردىڭ قارقىندى جۇمىسى ەلدىڭ دامۋىنا، حالىقتىڭ تۇرمىس-تىرشىلىگىنىڭ جاقسارۋىنا جۇيەلى وزگەرىس ەنگىزبەك.

ەڭ باستىسى، ءادىل، اشىق تالقىلاۋلار ارقىلى قوردالانعان ماسەلەلەردىڭ ءتۇيىنى شەشىلىپ، وڭ وزگەرىستەرگە جول اشىلۋى ءتيىس. اسىرەسە، شالعاي وڭىرلەردەگى پروبلەمالاردى شەشۋدە جەرگىلىكتى ازاماتتاردىڭ وي-پىكىرىن، كۇش-جىگەرىن باعدارعا الۋ اسا ماڭىزدى.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541