بەيسەنبى, 28 ناۋرىز 2024
3881 0 پىكىر 28 مامىر, 2020 ساعات 12:03

اماندىق باتالوۆ: قاۋىپسىزدىك الدىمەن ءار ازاماتتىڭ وزىنەن باستالۋى ءتيىس

وبلىس اۋماعىندا كارانتين قاتاڭداتىلدى. قاۋىپسىزدىك ايماق باسشىسى اماندىق باتالوۆتىڭ ءجىتى باقىلاۋىندا. وسىعان وراي، وبلىس اكىمى ءباسپاسوز ءماسليحاتىن وتكىزىپ، وڭىردەگى احۋالدى باياندادى.

«تالدىقورعان، تالعار قالالارىندا جانە كەگەن اۋدانىندا قاتاڭ كارانتين رەجيمى ءالى دە ساقتالادى. قالعان ايماقتاردا كارانتين رەجيمى بىرتىندەپ جەڭىلدەتىلۋدە. ەلدى-مەكەندەردىڭ كىرە بەرىسىندە ورنالاسقان بلوك-بەكەتتەر الىنىپ تاستالدى. ال وبلىستىڭ كىرەبەرىس جانە شىعىس بولىكتەرىندە سانيتارلىق بەكەتتەر جۇمىس ىستەي بەرەدى. حالىق كارانتين تالاپتارى مەن ءتيىستى ەرەجەلەردى ساقتاپ ءومىر سۇرۋگە داعدىلانىپ كەلەدى. ونەركاسىپتىك كاسىپورىندار مەن اۋىل شارۋاشىلىعى جۇمىسىن توقتاتپايدى. جالپى، وبلىستاعى الەۋمەتتىك-ەكونوميكالىق جاعداي قالىپتى. ءبىرشاما نىساندار ىسكە قوسىلىپ، كاسىپورىندار جۇمىسى جانداندى. بىرتىندەپ بۇرىنعى قالىپقا كەلەمىز. بىراق، ءبىر-ءبىرىمىزدىڭ ءومىرىمىز بەن دەنساۋلىعىمىز ءۇشىن قاۋىپسىزدىك شارالارىن ساقتاۋدى ۇمىتپاۋىمىز كەرەك» ،- دەدى اماندىق باتالوۆ.
ءوڭىر باسشىسىنىڭ ايتۋىنشا، وڭىردە تۇرعىنداردان تەگىن تەست الۋ جۇمىستارى قارقىندى جۇرگىزىلىپ جاتىر.

«قىسقا مەرزىمدە ءبىز 6 زەرتحانا قۇردىق. سونىمەن قاتار، 7-ءشى زەرتحانا ماۋسىم ايىندا اشىلادى. كارانتين شارالارىنىڭ ساقتالۋىنا ەرەكشە نازار اۋدارىلادى. ۋاقىتىلى قابىلدانعان شارالار كۆي تارالۋىنىڭ الدىن الۋعا مۇمكىندىك بەرەدى», - دەدى ول.

بۇگىندە، وبلىس بويىنشا 31 اۋرۋ وشاعىنان كارانتين رەجيمى الىنعان. كوروناۆيرۋستىق ينفەكتسيانى جۇقتىرۋدىڭ جاڭا جاعدايلارى بايقالعان ايماقتاردى قوسپاعاندا، كارانتيندىك شارالاردى بىرتىندەپ جەڭىلدەتۋ جۇمىستارى باستالدى. كارانتين ءوڭىر ەكونومياسىنا تەجەۋ ەمەس. قازىرگى تاڭدا بارلىق كاسىپورىن نىساندارىنىڭ جۇمىسى جاندانعان. 13 ماۋسىمنان باستاپ وبلىستا بيىلعى تۋريستىك ماۋسىم اشىلادى. وسى رەتتە ايدىندى ولكە الاكولگە اۋە رەيستەرى جۇرەدى. ۇشاقتاردا بارلىق سانيتارلىق تالاپتار ساقتالىۋى قاتاڭ تۇردە تالاپ ەتىلەدى.

«الماتى وبلىسىندا مەيرامحانالار مەن ءدامحانالار اشىلماعانشا، بالاباقشالار دا جۇمىس ىستەمەيدى. تالدىقورعاننىڭ بازارىندا بارلىعى بەتپەردەسىز ءجۇر. بۇلاي ىستەۋگە بولمايدى. ءار ادام ەڭ الدىمەن جاقىندارى، بالالارى، ارىپتەستەرى تۋرالى ويلاۋ كەرەك. ولاردى جانە ءوزىن قورعاي ءبىلۋى قاجەت. سىزدەردەن جوعارى الەۋمەتتىك جاۋاپكەرشىلىك كورسەتۋلەرىڭىزدى سۇرايمىن. جۇقتىرۋدىڭ جاڭا وشاقتارىن بولدىرماۋ ءۇشىن وبلىس تۇرعىندارىن كارانتيندىك شارالاردى سانالى تۇردە ساقتاۋعا شاقىرامىن. سەبەبى، قاۋىپسىزدىك پەن ادەتتى ءومىر سالتىنا ورالۋ ۋاقىتى ارقايسىسىمىزدىڭ بۇگىنگى ارەكەتىمىزگە بايلانىستى», - دەپ قورىتىندىلادى اماندىق باتالوۆ.

ەسكە سالا كەتسەك، قازىرگى ۋاقىتتا وبلىستا 305 كوروناۆيرۋس ينفەكتسياسى تىركەلگەن. 110 ناۋقاس ءتيىستى ەم-شارا قابىلداۋدا. جازىلىپ شىققاندار سانى 182 ادام. وكىنىشكە وراي، وڭىردە بىر ءولىم تىركەلگەن.

ايمان اسىل

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528